Облыс әкімдігінде «Қазгидромет» Атырау филиалы және табиғи ресурстар мен табиғатты пайдалануды реттеу басқармасы басшыларының қатысуымен жиын өтті. Онда өңір басшысы Нұрлан Ноғаев ауаның ластану себебін анықтауға арнайы тапсырма берді.
– Бұл буланудан емес, мұнай өнімдерінің иісі екендігі анық. Қолдарыңызда ауаны бақылайтын бүкіл құрал-жабдық бар. Бұл қашанға дейін жалғасады? Тыныс алу қиын ғой. Тұрғындардың бәрі шағымданады. Мамандарды жіберіңіздер, сынамаларды алыңыздар да, қорытындысын шығарыңыздар, – деді аймақ басшысы.
Соңғы мәліметтерге сүйенсек, Атырау қаласындағы ауа құрамынан нормадан тыс күкіртті сутек мөлшері анықталған.
Аман ШАМАР