Атырауда көлік апатынан 5 адам көз жұмды. Қайғылы жағдай 12 қазан күні, сағат 21:48 шамасында болған.
Облыстық төтенше жағдайлар департаменті баспасөз қызметінің айтуынша, «Атырау-Индер» тас жолы бойындағы «Жұлдыз-3» ықшам ауданы маңында «МАЗ» жүк көлігі және «Mersedes G-сыныпты» автокөліктері бір-бірімен соқтығысқан. Салдарынан жеңіл автокөліктің 29 жасар жүргізушісі және осы көліктің жолаушылары 77, 64, 58 жастағы әйел адамдар, сондай-ақ, 81 жастағы ер азамат оқиға орнында көз жұмған. Ал, «МАЗ» жүк көлігінің жүргізушісі әр-түрлі жарақатпен облыстық ауруханаға жатқызылыпты.
Көлік апатынан кабинада қысылып қалған зардап шегушілерді шығару жұмыстарына Батыс өңірлік аэроұтқыр жедел-құтқару жасағының 3 қызметкері және бір арнаулы техника жұмылдырылған.
Айдос Қарабала
