Атырау қалалық әкімдігінде жаңа тағайындау.
Қалалық қаржы бөлімінің басшысы қызметіне Алтынай Махамбетқызы Бекова тағайындалды. Бұл туралы Атырау қаласы әкімінің баспасөз қызметі хабарлады.
Алтынай Бекова – 1991 жылы туған. 2011 жылы Қ. Жұбанов атындағы Ақтөбе мемлекеттік университетін есеп және аудит мамандығы бойынша тәмамдаған. 2012 жылдан бері мемлекеттік қызметте. Ал, 2017 жылдан бастап күні бүгінге дейін қалалық қаржы бөлімі басшысының орынбасары лауазымында жұмыс істеген.
