Ұлттық қауіпсіздік комитеті есірткі жеткізуге қатысы бар діни жат ағым жақтастарын қолға түсірді, деп хабарлайды Atr.kz тілшісі аталған комитеттің баспасөз қызметіне сілтеме жасай отырып.
«2021 жылы 13 қаңтарда Атырау облысы бойынша ҰҚК департаменті Ақтөбе облысы бойынша ҰҚКД-мен өзара жедел-іздестіру іс-шараларының нәтижесінде өсімдік тектес есірткі заттарын жеткізу арнасын ұйымдастыруға қатысы бар бір топ адамды ұстады. Аталған адамдар деструктивті діни ағым ұстанушылары. Тергеу шаралары жалғасып жатыр» делінген ресми хабарламада.
