Атыраулықтар Азия чемпиондарын күтіп алды
Атыраулықтар Nomad MMA ұйымы ұйымдастырған ересектер және жастар арасындағы Азия чемпионатында жоғары нәтиже көрсеткен спортшыларды темір жол вокзалынан зор ықыласпен күтіп алды.
17-19 қазан аралығында Астана қаласында өткен бұл байрақты бәсекеге 16 елден 800-ден астам спортшы қатысып, өзара бақ сынады. Жарыстың нәтижесінде облыс спортшылары жоғары дайындық деңгейін көрсетіп, Атыраудың намысын абыроймен қорғады.
Ересектер арасында Аманжан-Қажы Сағынғалиұлы – I орын, Мәди Амангелді – II орын, Айбат Төлеген II орын иеленсе, жастар арасында Айдос Бекболсынов – I орын, Расул Қуандық II орынды жеңіп алды.
Бұл жетістіктер – спортшылардың табандылығы мен жаттықтырушылар еңбегінің жемісі. Олар өздерінің жеңістерімен өздері тәрбиеленетін мектебі мен өңір абыройын асқақтатты.
Алмас БАУЫРЖАНҰЛЫ
