Бұл үрдіске атыраулық жастар да өзіндік үлестерін қосуда. «Жастар таңдауы» қоғамдық бірлестігінің ұйымдастыруымен осы мақсаттағы шаралардың тұсауы кесілді. Балықшы кентіндегі саябақ алаңында бас қосқан жастар өкілдері қолдарына Қазақстан Республикасының Мемлекеттік Туы мен жалаушаларды ұстап, сап түзеді. Мемлекеттік Әнұранды, «Елім менің», «Көк Тудың желбірегені», «Атамекен» тәрізді патриоттық әндерді қосыла шырқады. Осылайша, олар еліміздегі көшбасшы партия өкілдерінің жасаған таңдауына, шешімдерінің дұрыстығына көз жеткізді, бұл бастаманы толығымен қолдайтындықтарына сендірді. Бұл күні алаңға шығып, флешмобқа қатысқандар негізінен қаламыздағы арнаулы орта оқу орындарының студенттері еді.
Олардың алдында атыраулық «Жастар таңдауы» қоғамдық бірлестігінің төрағасы Ринат Ғилажев, еріктілер ұйымының жетекшісі Темірлан Қайыров, басқа да белсенділер өкілдері сөз алып, мұның бәрі де егемен елдің болашағының жарқын, келешегінің кемел, алған бағытының түзу, тұғырының мықты болуына жол ашатындығын айтты.
Дәулетқали АРУЕВ.
2015 жылдың 26 сәуірінде өтетін Қазақстан Республикасының Президентін кезектен тыс сайлауы барысында этикалық нормаларды сақтау туралы ХАРТИЯ
Сөз бостандығы адамның негізгі құқығы болып табылатынын назарға ала отырып;
ақпараттарды іздеу, алу және тарату еркіндігін жариялайтын Адам құқының жалпыға ортақ декларациясының 19-бабындағы ережелерге сәйкес;
Қазақстан Республикасы Конституциясындағы сөз бостандығына және ақпараттарды заң тыйым салмайтын кез келген әдістермен алу және тарату құқы, цензураға тыйым салу, конституциялық құрылысты, республиканың тұтастығын күштеп өзгертуге үгіттеу немесе насихаттау, мемлекет тұтастығын бұзу, мемлекет қауіпсіздігіне нұқсан келтіру, соғысты, әлеуметтік, нәсілдік, ұлттық, діни, таптық және рулық үстемдікті, сондай-ақ, қатыгездік пен зорлық-зомбылыққа табынушылыққа тыйым салу ережелерін басшылыққа ала отырып;
ақпараттың адам құқы мен бостандығын жүзеге асыруда, азаматтық қоғам, демократиялық және құқықтық мемлекет құруда, таза және әділ сайлаулар өткізуде айрықша рөл атқаратынын саналы түрде түсіне отырып;
біздер, Қазақстан журналистері мен БАҚ саласындағы үкіметтік емес ұйымдар өкілдері Қазақстан Республикасының Президентін кезектен тыс сайлауы барысында аталған Хартия қағидаттарын сақтауды міндеттенеміз.
1. Бұл Хартия Қазақстан Республикасының Конституциясына, Қазақстан Республикасының «Сайлаулар туралы» және «Бұқаралық ақпарат құралдары туралы» Заңдарына сәйкес жасалған.
2. Бұл Хартияның негізгі мақсаты қазақстандықтарды сайлау науқаны, сондай-ақ, Қазақстан Республикасының Президенттігіне кандидаттардың қызметтері туралы бұқаралық ақпарат құралдарында шынайы әділ, толық және сенімді ақпараттармен қамтамасыз ету болып табылады.
3. БАҚ-тар Қазақстан Республикасының Президенттігіне тіркелген барлық кандидаттардың, олардың саяси көзқарастарына қарамастан, өздеріне теңдей мүмкіндікке ие болуына ықпал ете алады және солай етуге тиісті.
4. Бұл Хартия әрбір азамат өзінің сайлау құқын жүзеге асыруына мүмкіндік алу үшін БАҚ-тарды сайлау жұмыстарын, кандидаттар мен сайлау науқанының негізгі кезеңдері, дауыс беру ресімі және басқа да мәселелер туралы кәсіби және шынайы ақпар таратуға шақырады.
5. Сайлау науқаны кезеңінде қоғамдық пікір, қоғамдық сауалнама нәтижелерін жариялау барысында аса мұқияттық таныту қажеттілігін ескертеді.
Осыған байланысты, біздер, Қазақстан журналистері мен үкіметтік емес ұйымдар өкілдері, сайлауды көрсету кезінде мына қағидаттарды ұстанатындарымызды мәлімдейміз:
1) Қазақстан Республикасының заңнамаларын, журналистердің кәсіби этика нормалары мен мінез-құлық ережелерін бұлжытпай сақтау;
2) сайлау тақырыбына арналған барлық материалдардың объективті, алалаусыз, ақпараттық, сондай-ақ, Қазақстан Республикасының Президенттігіне үміткерлеріне қатысты әділ болуларына ықпал ету;
3) үміткерлердің абыройы мен іскерлік беделіне, жеке басына нұқсан келтіруі ықтимал ақпараттарды таратпау;
4) ақпарат көздерін, әсіресе, егер олар күдік тудыратын болса тексеруге алу;
5) үгіт жарияланымдары мен ақпараттық хабарламалар арасындағы айырмашылықты нақты ажырату;
6) белгіленген тәртіп пен әлеуметтік сауалнама жүргізу шарттарын ұстану, сауалнама нәтижелерін жариялау кезінде аудиторияға берілген сауалнама жауаптары тек қана болжам екенін ескерту және сауалнама нәтижелері туралы немесе сайлауға бес күн бұрын және дауыс беру күнгі алдын ала нәтижелер туралы материалдарды таратпау.
7) Бұл Хартия өзара құрметке негізделген өзара қарым-қатынас жүйесін құруды, барлық өзара ықпалдасушы тараптардың мүдделерін тану мен есепке алуды, сенімді және толық ақпаратқа сүйенген жоғары саяси мәдениетті қарастырады.
Хартия адамның, қоғам мен мемлекеттің жалпыға бірдей танылған құқықтары мен бостандықтарының сөзсіз басымдығына бағытталған және саяси проблемаларды шешуде бір-біріне өзара жол беріп, өзара іс-қимылдың келісімдік негізін қарастырады.
Бұл Хартия қол қоюға ашық.
Шет мемлекеттердің, Халықаралық ұйымдардың байқаушыларына, сондай-ақ, шетелдік бұқаралық ақпарат құралдарының өкілдеріне Жәрдемдесу орталығының құрамдары
Мемлекет басшысының 2015 жылғы 25 ақпандағы №1018 Жарлығымен 2015 жылғы 26 сәуірге Қазақстан Республикасы Президентінің кезектен тыс сайлауы тағайындалды.
Осыған байланысты Атырау қаласы, Студенттер даңғылы, 212 мекен-жайында орналасқан Х.Досмұхамедов атындағы Атырау мемлекеттік университетінің №4 оқу ғимаратында шет мемлекеттердің, халықаралық ұйымдардың байқаушыларына, сондай-ақ, шетелдік бұқаралық ақпарат құралдарының өкілдеріне жәрдемдесу орталығы құрылды.
Жәрдемдесу орталығының басшысы болып Х.Досмұхамедов атындағы Атырау мемлекеттік университетінің әлем тілдері факультетінің деканы Хайржанова Ақмарал Хатипқызы тағайындалды.
Жәрдемдесу орталығының байланыс телефон нөмірлері: 8 (7122) 276331, 272592.
