Облыстың экономикалық-әлеуметтік дамуы тұрақты. Инвестициялық жобаларды іске асыру, жаңа өндірістерді қатарға қосу, мұнай-газ өндіру көлемін арттыру үшін көп жұмыстар атқарылғанының куәсі болдық. Индустрияландыру картасы шеңберінде жүзеге асқан он жобаның аймақ халқына берері мол екені түсінікті. Олардың игілігін ел-жұрт осы бастан көріп жатыр. Мәселен, «Алмалы құс» ЖШС өндірген жұмыртқа өнімі жұртшылық көңілінен шығуда. «СП Первомайский» ЖШС-дегі сүт өңдеу, қышқыл-сүт өнімдерінің өндірісі кешенінің қуатын арттыруға бағытталған жұмыстарды да қолдаймыз. Өйткені, ауылшаруашылық өнімдерін өндірудің маңыздылығы артып келеді.
Сондай-ақ, шағын және орта кәсіпкерлікке кең жол ашып, оларға да қаражат бөліп, мемлекеттік грант алуына жағдай жасалуда. Осының бәрі – Елбасының тапсырмалары. Ауыл кәсіпкерлерінің арзан несиеге қолжетімділігін қамтамасыз ету мақсатында ауыл шаруашылығын қаржылай қолдау қоры арқылы жергілікті бюджеттен жеткілікті қаражат бөлінуі де – осы саланың дамуын жеделдететін аса бір құптарлық іс.
Сәрсенбай ЕҢСЕГЕНОВ,
ҚР Парламенті Сенатының депутаты.
