whatsapp image 2021 07 26 at 16.31.17

Қамкөңіл жандарға қамқорлық

Қоғам
50 / 100

«Консолидейтед Контрактинг Инжиниринг Прокьюрмент С.А.Л. – Офшор» (әрі қарай – «ССЕР») әлеуметтік жағынан жауапкершілікті компания бола отырып  мұқтаж жандарға көмек көрсетті.

Таяуда компанияның атқарушы директоры Орақ Бисембиев Балықшы аймақтық мүгедектер қоғамының елу шақты мүшесіне «Лидер» супермаркетінің азық-түлік сертификатын табыстады.

«Баршаңызды ұлық мереке – Құрбан айт мейрамымен шын жүректен құттықтаймын! Құрбан айт мерекесінің орны бөлек. Бұл – елдің береке-бірлігін бекемдейтін, қанағат пен қайырымдылықты арттыратын мейрам» – деді О.Бисембиев.

Балықшы аймақтық мүгедектер қоғамының төрайымы Әмина Нысанғалиеваның айтуынша, мүшелікте 750 адам бар. «Мүгедектер қоғамына үміт артып келген әр жанға барымызша қолдау көрсетеміз. Әрине, мұндай қолдау демеушілікпен жүзеге асады», – деген Ә.Нысанғалиева «ССЕР» компаниясының кезекті қолдауы үшін қамкөңіл жандардың атынан ризашылығын айтты.

Қайырымдылық шарасы  барлық санитарлық нормалар мен карантин ережелерін қатаң сақтай отырып өткізілді.

Майра ОРАЗҒАЛИЕВА

Пікір үстеу

Э-пошта мекенжайыңыз жарияланбайды. Міндетті өрістер * таңбаланған