«ҰЛЫ ЖЕҢІС САЯБАҒЫ» ЖАСАЛДЫ

Қоғам

Жеңіс күніне арналған бұл шараға қаладағы еріктілер мен Махамбет атындағы қазақ драма театрының қызметкерлері бір кісідей атсалысты. Саябақ орны – театр маңындағы бос тұрған жер. «Атадан мал қалғанша, тал қалсын» деген өсиетпен жастар да жұмыла кірісті.
Сонымен қатар, театр әртістері мерекеге орай сахналық қойылым қойып, Ұлы Отан соғысының ардагерлеріне құрмет көрсетті. «Алшы» қоғамдық қорының жетекшісі Бекет Қарашиннің айтуынша, жастарды ұлтжандылыққа тәрбиелеуде, ардагерлер мен тыл еңбеккерлеріне құрмет көрсетуде «Жеңіс саябағының» үлесі зор болмақ. Алдағы уақытта бұл алаңқай тал-терегі жайқалған жасыл саябақ болып, қала тұрғындарының демалып отыратын жеріне айналады. Жыл сайын жастардың қолдауымен гүл көшеттері отырғызылып, тал-терек егілетін болады.

Нұргүл ЫСМАҒҰЛ.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған