Ізгілік пен мейірім жәрмеңкесі

Қарттар – өмір тәжірибесінің, даналық пен мейірімнің иесі. Оларға көрсетілген қамқорлық – жас ұрпаққа үлгі.
​Атырау қаласындағы Ә.Кекілбайұлы атындағы №41 мектеп-гимназиясында Қарттар күніне орай бастауыш сынып оқушыларының аналары қайырымдылық жәрмеңкесін ұйымдастырды. Жәрмеңкеден түскен қаражатқа 100 қарияға жеңіл киім мен тәттілер алынды.
​Қарттар күні қарсаңында мектеп парламентінің белсенді оқушылары Қарттар үйіне арнайы барып, сыйлықтарын табыстап, жылы лебіздерін білдірді. Шәкірттердің ізгі ниетіне қуаныш білдірген қариялардың ризашылығы жас ұрпақ үшін өнегелі сабақ болды.
​Қайырымдылық іске үлес қосқан ата-аналарға, ұстаздарға және оқушыларға айтар алғысымыз шексіз. Үлкенге құрмет, кішіге қамқорлық – қоғамның ең қымбат қазынасы.

Ақбөбек ИСАҚҰЛОВА,
Ә.Кекілбайұлы атындағы №41 мектеп-гимназиясының
тәрбие ісі жөніндегі орынбасары