Оның есімін атасы, Ұлы Отан соғысының ардагері Мұхамбетқали Сұлтанғалиев қойыпты. «Немерем өскенде Президент сияқты білімді, еңбексүйгіш, намысты азамат болып ержетсін» деп ырымдапты. Нұрсұлтанның әкесі Бауыржан – мұнайшы, анасы Фариза – мұғалім.
Ол бала кезінде Елбасы сияқты ұшқыш болуды армандапты. Қазір есейді. Бірақ, балаң арманы көңілінде ескірмес естелік болып қалары анық. «Өскенде тәуелсіз елімізге қызмет етер үздік маман болғым келеді» дейді Нұрсұлтан.
