БОЛАШАҒЫН ОЙЛАҒАН ЕЛ – БӨБЕГІН АЯЛАЙДЫ

Қоғам

Әуелі аналар мен сәбилердің денсаулығын сұрастырған Айгүл Теміртасқызы бұл күні дүниеге келген сәбилерді жақсылыққа балап, отбасыларына ұзақ та әдемі өмір тіледі.
– Елбасы Нұрсұлтан Назарбаев өткен жылдан бастап қыркүйектің екінші жексенбісін «Отбасы күні» деп жариялады. Отбасылық құндылықтарды, көп балалықты насихаттау – бұл біздің мемлекетіміздің ең басты міндеттерінің бірі. Шаңырақтыңыз нұрлы, әр күндеріңіз мерекеліде, берекелі болсын», – деп тілегін жолдаған облыс әкімінің орынбасары Айгүл Әжіғалиева аналарға гүл шоқтарымен қоса естелік сыйлықтар ұсынды.
Өздеріне көрсетілген құрмет пен қамқорлыққа ризашылығын білдірген аналар да өз кезектерінде ақ көңілден тілектерін ақтарды. Соның бірі – жиырма сегіз жастағы Надира Жәркембаева. Ол мереке күні үш қыздан кейін көптен күтіп жүрген ұлын дүниеге әкелген қуанышымен бөлісті. «Отбасы күнінде облыстық әкімдік тарапынан аналарға көңіл аударуы – көңілімізге қуаныш ұялатады. Өйткені, әрбір әйелдің басты парызы – өмірге ұрпақ әкелу, ана атану. Жер бетінде одан артық құрмет те, бақыт та болмаса керек. Барлық аналарға осындай бақытты, ал балаларға әдемі балалық шақты тілеймін», – деді көп балалы ана Надира.
Аталған перзентхананың бөлім меңгерушісі Назымгүл Меңдешова материалдық-техникалық жағдай уақыт талабына сай жаңартылғанына тоқталды. «Ана мен баланың денсаулығын қорғау – күн тәртібінен түспейтін күрделі мәселелердің бірі. Сондықтан, аналар үнемі дәрігерлердің бақылауында. Перзентханада босану бөлімі 100 орынға арналған. Ұжымның барлық қызметкерлері жұмысқа үлкен жауапкершілікпен қарайды. Дәрігерлердің кәсіби білікгі, тәжірибелері мол, – дейді Н.Меңдешова.

Нұргүл ЫСМАҒҰЛОВА,
Суретті түсірген Әнуар ӘБІЛҒАЗИЕВ.

 

Пікір үстеу

Э-пошта мекенжайыңыз жарияланбайды. Міндетті өрістер * таңбаланған