«Атырау-Астрахан» пойызы жүре бастайды

gotovitsyakotkrytiyupoezdatyrauastrakhan Қоғам

20 сәуірден бастап «Атырау – Астрахан» бағытындағы №625/626 халықаралық жолаушылар пойызы қатынай бастайды, деп хабарлады «Қазақстан Темір Жолы»баспасөз қызметі.

Қатынау жиілігі бір күннен кейін: құрам ағымдағы жылдың 20 сәуірінен бастап жұп күндері, ал Астраханнан Атырауға – 2022 жылдың 21 сәуірінен тақ күндері жөнелтіледі.

Қазақстандықтар мен шетел азаматтарының елге темір жол көлігімен кіруі үшін бұрынғыдай теріс нәтижесі бар covid-19-ға ПТР-тестілеуден өткені туралы анықтаманың болуы міндетті. Ол берілген күннен бастап 72 сағаттан аспауы керек. Немесе коронавирустық инфекцияға қарсы вакцинацияның немесе ревакцинацияның толық курсынан өткені туралы паспорт ұсыну қажет (соңғы дозаны алғаннан кейін 6 айдан аспайтын мерзім). Естеріңізге сала кетейік, бұл ҚР ведомствоаралық комиссиясының шешімі. Егер оларда ПТР-тест нәтижелері болмаса немесе COVID-19 вакцинациялау паспорты болмаса, жолаушылар вагонға отырғызуға жіберілмейді.

Жолаушылар пойыздарының қозғалыс кестесі бойынша анықтамалық ақпаратты «1433» нөмірі бойынша және сайттан алуға болады Bilet.railways.kz.

«Azh.kz»

Баға берсеңіз
Атырау газеті
Пікір қалдырыңыз