Атырауда жаңа гемодиализ орталығы пайдалануға берілді.
«Жаңа медициналық мекеме күніне 20-25 адамды қабылдай алады. Онда екі кабинет бар, бірі жалпы науқастарға, екіншісі вирусты гепатитке шалдыққандарға арналған. Орталық гемодиализ жасайтын жоғары технологиялық 11 аппаратпен жабдықталған. Ол екі кезекпен жұмыс істейді. Сондай-ақ облыстық аурухана жанында да шемодиализ орталығы жұмыс істейді. Онда тек шұғыл жағдайда көмек көрсетіледі», деп хабарлады облыстық денсаулық сақтау басқармасы.Айта кету керек, жаңа гемодиализ орталығын мемлекеттік-жекешелік әріптесті аясында бір компания салды.
