h8a1850 5eea30a054fed

Науқастар саны 2 есе азайған: елімізде коронавирусты емдеу стационарлары жабылып жатыр

COVID-19: Соңғы поштадан... Жаңалықтар
9 / 100

Министрдің айтуынша, соңғы айда емдеуде жатқан науқастар саны 20 мыңға немесе 2 есеге дейін азайған.

Денсаулық сақтау министрі Алексей Цой елдегі эпидемиологиялық жағдай тұрақтанып келе жатқанын мәлімдеді.

«Республика бойынша аурушаңдық төмендеп келеді. Өткен аптамен салыстырғанда соңғы жұмада індетке шалдыққандар саны 11 мыңнан 8 мыңға дейін азайды. Мамырдан бастап вирус жұқтыру деңгейі 2,1 есеге төмендеді», – деді ол үкімет отырысында.

Айтуынша, соңғы айда емдеуде жатқан науқастар саны 20 мыңға немесе 2 есеге азайған.

«Өңірлерде коронавирус жұқтырғандар үшін қосымша ашылған ауруханалар саны біртіндеп азая бастады. Мәселен, Нұр-Сұлтанда 330 төсек-орындық 4 стационар, Алматыда шамамен 2 000 төсек-орындық 11 стационар жабылды», – деді ол.

Соңғы айда инфекциялық және реанимациялық бөлімдерде науқастар саны тиісінше 1,9 және 1,5 есеге азайған.

Цой Қазақстан «сары» аймақтан «жасылға» ауысқанын, аурушаңдық оптимистік сценарий бойынша өрбіп жатқанын атап өтті.

Оптимистік сценарий кезінде республика бойынша тәулігіне 1 260 адамға дейін вирус жұқтырады.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған