ҮЗДІКТЕР – ҚАЛА ӘКІМІ ҚАБЫЛДАУЫНДА

Білім

Түлектердің білім сынағы қарсаңында Атырау қаласының әкімі Нұрлыбек Ожаев атыраулық дарынды балаларды қабылдап, сәттілік тіледі.

– «Алтын белгі» мен «Үздік аттестат» үміткерлеріне сәттілік тілеймін. Мемлекет сіздерге сапалы білім алу үшін барлық жағдай жасауда. Осыны әрқашан ұмытпай, ел игілігіне еңбек етуге тырысыңыздар, – деді шаһар басшысы Нұрлыбек Жұмахметұлы.

Айта кетсек, атыраулық түлектер маусым айының 2-сі, 4-і және 6-сы күндері үш лекте Х.Досмұхамедов атындағы Атырау мемлекеттік университетінде базалық филиалда тестілеуден өтетін болады.

Кездесу барысында «Алтын белгіге» үміткер №34 мектеп-гимназиясының түлегі Әлішер Қайырболатов, Ресей Федерациясының Мәскеу қаласында өткен халықаралық ғылыми жоба сайысында жүлдегер атанған Абай атындағы №15 орта мектептің түлегі Таң-сұлу Тұрдалиева, «Үздік аттестатқа» үміткерлер А.Пушкин атындағы №20 орта мектептің түлегі Алина Твердохлеб пен №8 орта мектептің оқушысы Виолетта Добрая сөз алып, қала басшысына білдірген сенімі үшін алғыс айтты.

Шара соңында үздік түлектер қала әкімінің арнайы ескерткіш сыйлықтарымен марапатталды.

Айгүл ЕРТІЛЕУ.

 

Пікір үстеу

Э-пошта мекенжайыңыз жарияланбайды. Міндетті өрістер * таңбаланған