Х.Досмұхамедұлы атындағы Атырау университеті: 85 жылдық даму – жаңа дәуірдің бастауы
«Университеттер – озық ой мен жаңа идеялардың орталығы», – деген Мемлекет басшысы Қасым-Жомарт Тоқаевтың сөзі бүгінгі Х.Досмұхамедұлы атындағы Атырау университетінің даму бағытына толық сай келеді.
85 жылдық тарихы бар Халел Досмұхамедұлы атындағы Атырау университеті бүгінде аймақтық ғана емес, халықаралық деңгейде мойындалған жоғары оқу орнына айналып отыр. Бұл туралы университеттің Басқарма төрағасы-ректоры Саламат Идрисов есепті жиында баяндады.
Университет әлемнің 91 жоғары оқу орнымен серіктестік байланыс орнатқан. 2024–2025 жылдары 42 студент пен магистрант Түркия, Польша, Франция және Өзбекстанда тағылымдамадан өтіп, 11 шетелдік профессор дәріс оқыған.
Білім ордасында Польша университеттерімен бірлесіп «Туризм және сервис», «Информатика және білім беруді ақпараттандыру» бағыттарында қос диплом бағдарламалары жүзеге асуда.
-Бүгінде университетте 78 бакалавриат, 42 магистратура және 2 докторантура бағдарламасы жұмыс істейді.
Huawei, Astana Hub, Coursera платформаларымен бірлескен жобалар аясында 8500-ден астам студент пен оқытушы халықаралық сертификат иегері атанды. Сонымен қатар AI-Sana бағдарламасы негізінде студенттер жасанды интеллект пен цифрлық кәсіпкерлік негіздерін меңгеруде, — деді университет ректоры.
Айта кетелік, университеттің ғылыми әлеуеті – 35,5%. 2025 жылы 1,3 млрд теңге көлемінде ғылыми жобалар іске асырылып,
Erasmus+, TRIGGER және Саймон Фрезер университетімен бірлескен жобалар сәтті жүзеге асырылып, инклюзивті білім беру саласы жаңа деңгейге көтерілген.
Мәлике МӘЛІК
Суреттерді түсірген Ерлан АЛТЫБАЕВ
