Х.Досмұхамедов атындағы Атырау мемлекеттік университетінде жастарды жұмыспен қамту және әлеуметтік қолдау мәселесі бойынша қоғамдық тыңдау өтті. Шараны «Азаматтық бастамаларды қолдау орталығы» мен Қазақстан жастар конгресі бірлесіп ұйымдастырып отыр.
Жиынға Атырау, Батыс Қазақстан, Ақтөбе және Маңғыстау облыстарынан келген белсенді жастар қатысты. Қоғамдық тыңдау кезінде ҚР Дін істері және азаматтық қоғам министрлігі, жастар ұйымдарымен байланыс басқармасының басшысы Бағлан Әбдімова, Қазақстан жастар конгресінің атқарушы директорының орынбасары Жанаргүл Жүнісова баяндама жасап, жастар тақырыбына қатысты өзекті мәселелерді зерделеді.
Сондай-ақ, «Дипломмен ауылға», «Жастар практикасы», «Жұмыспен қамту жол картасы – 2020» және т.б. мемлекеттік бағдарламалардың орындалысы талқыланды.
Гүлдана Жамбозова
Суреттерді түсірген: Ерлан Алтыбаев
