Пекинде тұратын 72 жастағы зейнеткер кісі жыныс ауыстыру операциясын жасатып, әйелге айналған.
Бұл туралы China Daily хабарлайды.
72 жастағы Синь Юэге кеуде импланты салынып, сондай-ақ, вагинопластикалық операция да жасалған. Операция сәрсенбі күні Хуэйчжоу қаласында өткен.
“Мен әйел болсам деген өз арманымды орындадым”, – дейді ол.
Операция алдында Синь Юэ ол шын мәнінде жынысын ауыстыруға дайын екендігін айғақтайтын мыңдаған сұрақтан тұратын тестке жауап берген.
Айтуынша, ол бала кезінде де қыздардың киімін киіп жүрген. 1970 жылы ол үйленіп, үш жылдан кейін қызды болады. Ал 2000 жылы олар ажырасып кеткен.
Зейнеткердің бұрынғы әйелі Лэн Жуй оның жыныс ауыстыру туралы бастамасын қолдаған.
