Сыбайлас жемқорлыққа қарсы «Адал жол» марафоны өтеді

38133449 641329369582883 5084003756652101632 n Жаңалықтар

Атырауда 1-2 тамыз күндері қалалық мәдениет және тілдерді дамыту бөлімі мен дене шынықтыру және спорт басқармасының ұйымдастыруымен сыбайлас жемқорлыққа қарсы «Адал жол» марафоны өтеді, деп хабарлайды Атырау облыстық өңірлік коммуникациялар қызметі.

38133449_641329369582883_5084003756652101632_n

Екі күндік марафон аясында Атырауда бірқатар іс-шаралар өткізу жоспарланған. Атап айтсақ, 1 шілде күні 19:30- да орталық көпірден Жилгородок ықшам ауданына дейінгі аралықта 25 қайық, 7 су мотоциклі, 5 моторлы қайық қатысатын шағын қайықтар шеруі болады. Марафон қатысушылары марафон жалауын және ҚР мемлекеттік туын көтереді.

Сондай-ақ, 20:00-де Атыраудағы Ретро-саябақта «Біз адал жолды таңдаймыз» атты концеттік бағдарламасы өтеді.

Ал 2 тамыз күні 10:00-де Жұмыскер мәдениет үйінде «Жемқорлықты түбегейлі шешу мүмкін бе?» атты дебат ұйымдастырылса, 10:00-де Авангард ықшам ауданы, 47 үйде орналасқан №1 қалалық орталықтандырылған кітапханасында «Парасыз болашаққа. Өзіңнен баста!» акция болады деп жоспарлануда.

Сағат 17:00-де Жилгородок ықшам ауданындағы «Малибу» қалалық жағажайында жағажай волейболынан турнир ұйымдастырылады.

Баға берсеңіз
Атырау газеті
Пікір қалдырыңыз