Президент еліміздің келешегі жөнінде маңызды мәлімет айтты

12817244 Жаңалықтар

Atr.kz/15 наурыз, 2020 жыл. Президенттің айтуынша, біздің бүгінгі тыныш өмірімізді, табыстарымызды, тұрақты тіршілігімізді көре алмайтын жаулар да жеткілікті

Бұл ғаламда Қазақстан өз халқымыздан басқа ешкімге керегі жоқ, дейді мемлекет басшысы Қасым-Жомарт Тоқаев. Президенттің сөзін желіде баспасөз хатшысы Берік Уәли жариялады.

«Бүгінгі әлем тұрақты емес. Жаһандағы ахуал күн сайын өзгеріп жатыр. Өте құбылмалы жағдайда өмір сүріп келеміз. Кезінде қырғи-қабақ соғыс заманы өткен кезде барлық саясаткер енді әлемнің келешегі жарқын болады, қой үстіне бозторғай жұмыртқалаған заман келеді, қақтығыстар болмайды деп айтқан болатын. Дегенмен, мұндай болжамдар бұрыс болып шықты», – дейді Тоқаев.

Президенттің айтуынша, қазір адамзаттың болашағы бұлыңғыр, ал біздің еліміз дүние жүзінің бір бөлігі.

«Бұл ғаламда Қазақстан өз халқымыздан басқа ешкімге керегі жоқ. Әрине, достарымыз аз емес. Бірақ біздің бүгінгі тыныш өмірімізді, табыстарымызды, тұрақты тіршілігімізді көре алмайтын жаулар да жеткілікті. Оны ешқашан естен шығармауымыз керек», – деген президент «біздің болашағымыз – біздің ғана қолымызда» екенін атап өтті.

Амандық САҒЫНТАЙҰЛЫ

http://atr.kz/bez-rubriki/қazaқstanda-koronavirus-zhұқtyrғandardyң-sany-8-adamғa-zhetti/
Баға берсеңіз
Атырау газеті
Пікір қалдырыңыз