Полицейлерге бағынбаған Ресей азаматы көлік басқару құқығынан айырылды. Бұл туралы облыстық соттың баспасөз қызметі хабарлайды.
Ол «Mercedes-Benz» маркалы автокөлігімен «Атырау-Орал» тас жолының 137 шақырымы тұсында келе жатып, полиция қызметкерлерінің арнайы дауыс күшейткіші арқылы тоқтату белгісіне бағынбай, олардың заңды талабын орындамаған.
Сондай-ақ, Ресей Федерациясының азаматы сот отырысына белгісіз себептермен қатыспаған және оны кейінге қалдыру туралы өтініш бермеген.
Сот отырысында азамат И.-дың әрекеті әкімшілік құқық бұзушылық жасау хаттамасымен, басқа да іс құжаттарымен толықтай дәлелін тапты.
Сөйтіп, сот қаулысымен құқық бұзушы И. Қазақстан Республикасының ӘҚБтК-нің 613-бабының 1 бөлігімен кінәлі деп танылып, 1 жыл мерзiмге көлiк құралын басқару құқығынан айырылды.
Сот қаулысы заңды күшіне енген.
Айдос Қарабала
Фото liter.kz сайтынан алынған
