Атырау қаласында электронды дерекқор іске қосылды

20170913174332 Жаңалықтар

Атырау қаласында мемлекеттік қызметтерді цифрландыру бойынша мемлекеттік бағдарламаның аясында электронды дерекқор іске қосылды. Мұнда жер учаскелері үшін басымдықты тізім Атырау қаласының және оның маңындағы ауылдық округтердің 86 мың тұрғынын қамтиды.

20170913174332

Қалалық жер қатынастары бөлімінің бастығы Наурызбек Құмаровтың айтуынша, қазіргі уақытта облыс орталығының және оның маңындағы тұрғындардың әрқайсысы жер телімінің тәртібін интернетте тексере алады. Ол үшін www.atyrau.gov.kz сайты арқылы «Атыраудағы жер учаскелеріне кезек» бөліміне ЖСН-ді теру арқылы кіру қажет.

– Атырау қаласының тұрғындарына мемлекеттік қызметтерді цифрландырудың енгізілуіне байланысты кезекті білуге аяқтай келудің қажеті жоқ. Кезекті смартфоннан да тексеруге болады, – дейді қалалық жер қатынастары бөлімінің басшысы Наурызбек Құмаров.

Былтыр Атырау қаласының әкімдігі 2003-2004 жылдардағы өтінімдерді тапсырған күту тізіміне 480-ге жуық жер телімін шығарды.

– Қазіргі   уақытта  «Нұрлы  жер» мемлекеттік бағдарламасы аясында жер телімін алу үшін 241 өтініш берілді. Оның ішінде жергілікті жердің 73 тұрғынына несие беру туралы шешім қабылданды. Қазіргі таңда жер комиссиясының отырысында жергілікті тұрғындардың 625 өтініші қаралды.Олардың 538-і мақұлданды, – деді ол.

Өз  тілшіміз.

Баға берсеңіз
Атырау газеті
Пікір қалдырыңыз