Баскетболдан Қазақстанның екі дүркін чемпионы «Атырау Барыстары» клубы – Балкан лигасы біріншілігіне 2010 жылдан бері қатысып жүрген Орталық Азиядағы тұңғыш команда.
Аталған лигада Болгария, Албания, Македония, Косово елдерінен барлығы жеті азулы баскетбол клубтары өнер көрсетеді.
«Атырау Барыстары» Балкан лигасындағы биылғы ойындарын сәтсіз өткізіп жүр. Олар Болгарияның «Берое» клубынан 100:68, ал, кеше түнде Македонияның «Блокотехна» баскетболшыларынан 85:72 есебімен жеңіліс тапты. Қазір жерлестеріміз 9 кездесуден кейін 11 ұпаймен турнир кестесінің алтыншы сатысында келеді.
Біріншіліктің қалған ойындары наурыз айында жалғасады.
Бақытжан ЖҰМАТ.
