Atr.kz/6 қаңтар, 2020 жыл. 2019 жылы Атырау облысында қылмыстық жазасын өтегендерді еңбекке тарту мақсатында 10 бос орындар жәрмеңкесі ұйымдастырылған, – деп хабарлайды Атырау облысының Өңірлік коммуникациялар қызметі.
Шара барысында қатысушыларға «Еңбек» бағдарламасының мүмкіндіктері жөнінде кеңінен мәліметтер берілді. Нәтижесінде «Бастау Бизнес» жобасы бойынша кәсіпкерлік негіздеріне – 2 адам, қайта даярлау курстарына – 57 адам жолданылып, 13 адам тұрақты жұмысқа орналасқан.
– Бас бостандығынан айыру орындарынан босап шыққан азаматтардың келешекте қылмысқа қайтып оралмауы – қоғам үшін аса маңызды. Сол себепті, бүгінде сотталғандар арасында қайта қылмыстық құқық бұзушылық санының өсу жағдайын жою мақсатында 2020 жылға арналған кешенді іс-шаралар жоспары жасақталып, бекітілді, – дейді облыстық жұмыспен қамтуды үйлестіру және әлеуметтік бағдарламалар басқармасының басшысы Серік Қамидолла.