Атырауда коронавирустан көз жұмған науқастар туралы белгілі болды

200604013406683a3657642i COVID-19: Соңғы поштадан...

Аtr.kz/4 маусым, 2020 жыл. Атырау облысында коронавирустан екі адам қайтыс болды, деп хабарлайды ҚазАқпарат.

Қазақстанда коронавирустен тағы 4 адам көз жұмғанын бұған дейін жазған болатынбыз. Оның ішінде 2 жағдай Атырау облысында тіркелді. COVID-19 инфекциясының таралуына жол бермеу жөніндегі ведомствоаралық комиссияның мәліметінше, қайтыс болған екі науқас та –Атырау облысының тұрғындары.

«Оның бірі –Теңіз кенішінің 56 жастағы жұмысшысы, ал екіншісі –69 жастағы зейнеткер. Қазір COVID-19 инфекциясы салдарынан қайтыс болған науқастардың өлім жағдайын талдау мақсатында құрылған комиссия клиникалық тексеріс жүргізуде. Оның қорытындысы қосымша хабарланады», – деп мәлім етті ведомствоаралық комиссиядан.

Айта кетейік, бұл, Атырау өңірінде коронавирустен тіркелген алғашқы өлім жағдайлары. Облыста инфекцияны жұқтырудың жалпы 1140 жағдайы тіркелді. Жазылды 532 адам. Ал ел бойынша анықталған оқиғалардың жалпы саны – 11 796. Жазылып шықты – 6240, қайтыс болды – 48 науқас.

Баға берсеңіз
Атырау газеті
Пікір қалдырыңыз