Atr.kz/15 ақпан, 2020 жыл. Бүгін Атырау қаласында Махамбет көшесіндегі №121 көпқабатты үй өртенді.
Куәгерлердің бейнежазбасынан қызыл жалынның бесінші қабаттағы пәтерден тұтанғанын көруге болады. Одан әрі жоғары жылжыған жалыннан шатыр тұтастай жанып кеткен. Қазір оқиға орнына өрт сөндірушілер бригадасы жұмылдырылып, тілсіз жауды ауыздықтауда. Толық ақпарат анық-қанығы анықталғаннан кейін белгілі болмақ.
