Атырау облыстық мәдениет басқармасына жаңа басшы тағайындалды

Жаңалықтар Мәдениет

Atr.kz / 29 маусым, 2020 жыл. Атырау облысының әкімі Махамбет Досмұхамбетовтың өкімімен облыстық мәдениет, архивтер және құжаттама басқармасына жаңа басшы болып Ақылбек Аманбайұлы Рысқалиев тағайындалды.

Атырау облысы әкімі баспасөз қызметінің мәліметіне сүйенсек, Ақылбек Аманбайұлы 1971 жылы туған. Әл-Фараби атындағы Шымкент педагогика институтын «мәдени ағарту жұмыстарының ұйымдастырушы методисі» мамандығы бойынша бітірген.

Сондай-ақ, Х. Досмұхамедов атындағы Атырау мемлекеттік университетін «мемлекеттік және жергілікті басқару бакалавры» бойынша тәмамдаған.

Еңбек жолын 1992 жылы Атырау облысы, Исатай аудандық мәдениет бөлімінің әдіскерлер орталығының әдіскері лауазымынан бастаған. 1994-2006 жылдары әдіскерлер орталығының меңгерушісінен Мәдениет үйінің директорына дейін түрлі лауазымдарда жұмыс істеген. 2006 жылы Аққыстау ауылдық округі әкімінің орынбасары болып қызмет еткен. 2012 жылы Исатай аудандық мәдениет және тілдерді дамыту бөлімінің басшысы лауазымын атқарған.

Соңғы жұмыс істеген орны – Атырау қалалық мәдениет және тілдерді дамыту бөлімінің басшысы.

“ҚазАқпарат”

Пікір үстеу

Э-пошта мекенжайыңыз жарияланбайды. Міндетті өрістер * таңбаланған