Атырауда дзюдодан Қазақстан чемпионаты аяқталды (ФОТО)

ANU 2243 Жаңалықтар

Кеше Атырау қаласында дздодан 23 жасқа дейінгі ерлер мен әйелдер арасындағы ҚР чемпионаты өз мәресіне жетті.

ANU_2243

Екі күн қатарынан өткен байрақты бәсекеде Астана және Алматы қалаларымен қатар, еліміздің түкпір-түкпірінен 250-ге жуық татами шеберлері бақтарын сынады.

Жарыс қорытындысы бойынша, медаль саны жөнінен ШҚО дзюдошылары 3 алтын, 2 күміс, 1 қола медальмен көш бастады.

ANU_2194

Алматы облысының дзюдошылары 3 алтын, 1 күміс, 2 қоламен екінші орынға ие болса, Маңғыстау облысының татами шеберлері 3 алтын, 2 қоламен 3 орынға тұрақтады.

Дздодан 23 жасқа дейінгі ерлер мен әйелдер арасындағы ҚР чемпионатында 81 келі салмақ бойынша Ақтөбе облысынан келген Еламан Қойшыбаев жеңімпаз атанса, екінші орынды шығысқазақстандық Мадияр Сембаев, үшінші орынды алматылық Бақытжан Әліжанұлы мен қызылордалық Ақылбек Серіктер өзара бөлісті.

ANU_2247

Ал, 90 келі салмақ бойынша шығысқазақстандық Алмас Акрашевқа алтын медаль бұйырса, күміс жүлдеге алматылық Болат Ерасыл, қола жүлдені алматылық Бекарыс Абушахан мен қарағандылық Мадияр Көпжасаровқа бұйырды.

ANU_2281

Келесі болып өнер көрсеткен -100 келі салмақ дәрежесінде шығысқазақстандық Жасұлан Мұхаметжановқа бірінші орынды иеленсе, екінші және үшінші орындарды жерлестеріміз Арман Қалиев пен Райымбек Ашықбаевтар иеленді.

ANU_2258

+100 келі салмақ дәрежесінде бақ сынасқан Батыс Қазақстан облысынан келген Темірлан Көлбай бірінші орынды жеңіп алса, екінші орынға алматылық Ертуған Бақыткелдіұлы, үшінші орынға жамбылдық Ғалымжан Қырықбай мен қарағандылық Санжар Жаббаровтар тұрақтады.

ANU_2014

Қыздар арасында -70 келі салмақта алматылық Жанар Қашқын алтын медальге ие болса, Алматы қаласынан келген Аэлита Щербаковаға күміс жүлде бұйырды. Үшінші орынды қарағандылық Ажар Салықова мен қызылордалық Арайлым Оразбайлар өзара бөлісті.

ANU_2262

Татами төріндегі +78 салмақ дәрежесінде алматылық Камила Берліқаш бірінші орынды, атыраулық Саида Капсалякова екінші орынды, қызылордалық Қамбат Тұршабектер үшінші орын тұғырынан көрінді.

ANU_2289

ANU_2230

Абай АБЫЛАЙҰЛЫ

Баға берсеңіз
Атырау газеті
Пікір қалдырыңыз