Атырау жұртшылығы Жанай Берқалиевпен қоштасты (ФОТО)

EAC0331 Жаңалықтар

Бүгін Атырау жұртшылығы мемлекеттік қызметтің ардагері, Атырау облысының құрметті азаматы, биология ғылымдарының кандидаты Жанай Берқалиевты ақтық сапарға шығарып салды. Марқұммен қоштасу митингісі Махамбет атындағы облыстық қазақ драма театрында өтті.

_EAC9888

Жанай Берқалиев – өзінің іскерлігі мен өмірлік тәжірибесін өңірдің экономикасын, әсіресе, ауыл шаруашылығы саласын өркендетуге арнаған танымал тұлға. Осы салада еңбек ете жүріп, шыңдалды, мол тәжірибе жинады. Іскерлігімен, ұйымдастырушылық қасиетімен танылып, кеңшарларды басқарды. Шаруашылық жұмысын ғылыммен ұштастырып, биология ғылымы бойынша кандидаттық диссертация қорғады. Ел тәуелсіздігінің елең-алаңында аудандарды басқарып, Қазақ мемлекетінің қалыптасуына зор үлесін қосты.

_EAC0318

Оның елдің өсіп-өркендеуіне сіңірген еңбегі лайықты бағаланып, «Құрмет» орденімен марапатталды. Оған Исатай, Махамбет, Индер, Құрманғазы аудандарының, Атырау облысының құрметті азаматы атағы берілді.

_EAC0324

– Жанай ағамыз өзінің еңбекқорлығының арқасында елге танымал болды, – деді онымен қоштасу рәсімінде Атырау облысының әкімі Нұрлан Ноғаев. – Ол бір өңірдің ғана емес, елдің экономикасын өркендетуге өлшеусіз еңбек сіңірді. Адамгершілік тұлғасы, парасат-пайымы ерекше жан еді. Ел ішінде абыройы биік еді. Отбасына қайғырып көңіл айтамыз.

_EAC9908

Бұдан соң Атырау облысының құрметті азаматы Есен Тасқынбаев, Парламент Мәжілісінің депутаты Бақтықожа Ізмұхамбетов сөйлеп, Жанай Беркалиевтің адами қасиеттері мен тұлғалық қырларына тоқталды.

_EAC0107_EAC9911_EAC0346_EAC0331

 

Жолдасбек КӨШЕРБАЙҰЛЫ

Суреттерді түсірген Ерлан АЛТЫБАЕВ

Баға берсеңіз
Атырау газеті
Пікір қалдырыңыз