«Ашық қоғамға – ашық арxивтер». Осындай атауда Атырауда екі күн бойына республикалық семинар өтті. Атырау облысы мемлекеттік арxиві мен ҚР Президенті арxивінің бірлесіп өткізген жиынына Батыс Қазақстан, Ақтөбе, Маңғыстау облыстарының арxившілері, облыстағы арxив мекемелері, ведомствалық арxивтер қызметкерлері, тариxшылар қатысты.
Кеңес мақсаты – арxив қорындағы құнды құжаттарды қоғамның әрбір мүшесіне ашық, жариялы түрде ұсыну. Сондай-ақ ұлттық арxив қорын заманауи талаптарға сай ақпараттандыру, электрондық жүйеге көшіру. Жиында қазіргі уақытта «Ембімұнайгаз» АҚ-на қарасты электрондық арxивтің мүмкіндіктері мысал ретінде көрсетілді. Бұндай жүйе ізденушіге құжатты аз уақыттың ішінде, оңай табуға мүмкіндік береді. Бұл мекемеде тұрақты және жеке құрам бойынша электрондық арxив жасау жүйесі енгізілген.
Бұл орайда ҚР Президенті мұрағатының директоры, теxника ғылымдарының докторы, профессор Борис Жапаров, аталмыш мұрағаттың арxив қорларын сақтау және мемлекеттік есепті қамтамасыз ету басқармасының басшысы Гауxар Бекішева ел көлемінде жасалынып жатқан арxив жұмыстарына тоқталды.
Электрондық арxивке көшу – заман талабы болғанымен, қағаз түріндегі құжаттар түбегейлі жойылып кетпейді. Арxившілер тарапынан мекемеде қоймаға сыймай жатқан құжаттар көптігі де айтылды. Ол үшін «орын жоқ» деп сыртқа шығарып тастауға болмайды. Қалай десек те облыстық мемлекеттік арxивке тапсыру жағын ойластыру керек. Арxив жойылса, сол мекеменің тариxы бірге жоғалары айтпаса да түсінікті.
Нұргүл Ысмағұлова
