Конференция жұмысына облыстық ішкі саясат басқармасы басшысының орынбасары Оразбек Қасымов қатысып, құттықтау сөз сөйледі.
Мұнан соң Индер аудандық ішкі саясат бөлімінің басшысы Артур Мурзин мемлекеттік рәміздерінің нормативтік-құқықтық базасына шолу жасаса, «Триумф» оқу орталығының жетекшісі Нәсіпхан Жұмекеева рәміздерді қолдану бойынша әдістемелік нұсқаулар берді.
Қазақстан халқы Ассамблеясының ардагері, Атырау инженерлік-гуманитарлық институтының ҚХА кафедрасының меңгерушісі Жаннат Асабаева «Қазақстан халқы Ассамблеясының 20 жылдығы: қазақстандық отансүйгіштікті күшейту, ұлттың бірлігі, тәуелсіз елдің құндылығы мен жетістіктерін насихаттау» деген тақырыпта баяндама жасады.
Конференцияға қатысушылар отбасында, оқу және қоғамдық орындарында жастардың аса маңызды мемлекеттік белгілер – рәміздер жөніндегі білімдерін жан-жақты сарапқа салу, оларға мәнін ұғындыру, ерекше құрметтеу, мақтан тұту керектігін айтып, құнды ойларымен бөлісті.
Бақытжан ХАМИТҰЛЫ, өз тілшіміз.
