Жуырда “Мисс Атырау” сұлулық байқауының кастингі басталды.
Жыл сайын өткізілетін жобаның биылғы талабына сай үміткерлердің тек сыртқы параметрлері емес, интеллект деңгейлері де сынға түсті.
Қатысушыларды “Атырау Аруы” аймақтық сұлулық байқауының басшысы, ұйымдастырушысы, әрі Vero Modelz сән студияның басшысы Вероника Кошманова, Мисс Атырау-2019 Асылжан, журналист, продюсер, “SS” стилистер қоғамдастығы резиденті Ақмарал Аманжолқызы іріктеп алды.
Кастингтің 1-ші кезеңі “ВероМоделз” модельлік агенттігінің студиясында өтті. 2-ші кезеңі күз маусымында болады деп жоспарланып отыр.
Сынға түскен 20 қыздың барлығы өте тартымды, харизмалы және интеллектуал сұрақтарға мүдірмей жауап бере алатын санаттан болды. Оқумен қатар бизнесті де қатар алып жүрген олар, бос уақыттарын өздерін дамытуға жұмсайтын, білімді буын екендіктерін көрсетті. Қоғами проблемаларға да өзіндік айтар ойлары бар олар жаңа Қазақстанның идеялы азаматтары екеніне сендіре алды.
Биылғы қатысушылардың барлығы да ортаға тез бейімделгіш, публиканы сезе алатын қыздар болды.
Atr.kz
