1-Украин майданына қарасты 4-танк армиясы Потсдам бағытындағы шабуылға көшті. Олардың 1-Беларусь майданының 47-армиясымен арақашықтығы 25 шақырымдай болатын. 3-гвардиялық танк армиясы Тельтов каналынан өтудің қамын жасады.
Сөйтіп, кеңес әскерлері бүкіл майдан шебін өз бақылауында ұстап, жау жағының франкфурт-губен тобын шегінуге мәжбүрледі.
Дрезден бағытындағы жау әскерлері Шпрее өзенін бойлай жылжи отырып, 52-армия мен Польшаның 2-армиясының тоғысқан жеріне жойқын шабуылдаумен солтүстік бағытқа қарай 20 шақырымдай алға жылжыды, сөйтіп, 2-Поляк армиясының тыл жағынан шығу мүмкіндігіне ие болды. Неміс-фашист басқыншылары Баутцена мен Вейсенберг аймағында 294-атқыштар дивизиясы мен 7-гвардиялық механикаландырылған корпусын қоршауға алды.
Совинформбюроның таратқан хабары бойынша, 1-Беларусь майданы жауынгерлері Одердің батыс жағалауында шабуылды өрістете отырып, 60-тан 100 шақырымға дейін алға жылжыды.
Дайындаған Бақытжан ЖҰМАТ.
