Жылу маусымына әзірлік қалай?

АПТА: түйін Басты жаңалық Жаңалықтар Шаһар шырайы

Облыста қысқа дайындық жұмыстары қызу жүріп жатыр. Қазір барлық күш жылыту маусымын өз деңгейінде өткізуге, ұйымдастыруға жұмылдырылған.

216353562_4_1000x700_prochistka-kanalizatsii-santehnik-uslugi_rev001

Атомдық және энергетикалық қадағалау мен бақылау комитеті Атырау облысы бойынша аумақтық департаментінің бөлім басшысы Жасұлан Айтқазиевтің айтуынша, жергілікті энергетикалық нысандардың қысқа әзірлігі басты назарда ұсталып отыр. Қазір «Атырау жылу-электр орталығы» АҚ, «Атырау-Жарық» АҚ, «KEGOC» Батыс филиалы, электр қуаты және жылу энергиясымен қамтамасыз ететін барлық ірі кәсіпорындарда жоспарлы жұмыстар жүзеге асуда.

«Атырау жылу-электр орталығы» АҚ бойынша қысқы маусымға дайындалу үшін 25 іс-шара жоспарланған болатын. Қазір олар белгіленген мерзімде орындалып жатыр. Атап айтқанда, №2 және №11 қазандық, сондай-ақ, №5 турбогенератор күрделі жөндеуден өткізілді, – деді аумақтық департамент өкілі.

Ал, №6 турбоагрегатты күрделі жөндеу жұмысы аяқталуға таялды. №9 қазандықты дайындау жұмыстары жалғасуда. «Атырау-Жарық» туралы да осыны айтуға болады. Мұнда 237,8  шақырым (110 кВ) және 170 шақырым (35 кВ) электр жеткізу желілерін күрделі жөндеу жоспарланған. Күзгі-қысқы кезеңге арналған нысандарды дайындау үшін «KEGOC» Батыс филиалының 107 шақырымдық электр жеткізу желісі, сонымен қатар, негізгі жабдықтардың күрделі жөндеу жұмыстары жоспарлануда.

Азамат БАЗАРБАЕВ

Добавить комментарий

Ваш e-mail не будет опубликован. Обязательные поля помечены *