Жапон инвесторлары Арыстағы зардап шеккендерге көмектесуге ниетті

IMG 20190625 WA0039 Жаңалықтар

Atr.kz/25 маусым, 2019 жыл.  Атырау облысының әкімі Нұрлан Ноғаевпен кездесуде жапон компаниясының өкілі осыны мәлімдеді.
– Түркістан облысындағы қайғылы оқиға туралы бәріміз де хабардармыз. 40 мыңнан астам зардап шеккендер бүгінде үйіне орала алмай отыр. Жапониядағы атом электрстанциясындағы апат кезінде Қазақстан біздің халқымызға өлшеусіз көмек, қолдау көрсетті. Біз оны ұмытқан жоқпыз, сондықтан зардап шеккендерге қолымыздан келгенше көмектесуге ниеттеміз, – деді «Tokyo Rope Almaty» ЖШС-нің бас директоры Такеяма Тошио.
Өңір басшылығымен кездесу кезінде жапон инвесторлары екі жақты ынтымақтастық мәселелерін талқылады. Күншығыс елінің бизнес – компанияларының Атырау өңіріне қызығушылық танытуының себебі – Қазақстанның мұнай-газ саласындағы неғұрлым ірі жобалары осында шоғырланған. Өңірдің инвестициялық мүмкіндіктерімен танысу үшін Атырауға «Metal One Corporation», «Metal One Steel Products Corporation» және басқа да компаниялардың басшылығы келді.
​Әлем бойынша болат өнімдерін өңдеумен шұғылданатын 160 жапондық және шетелдік компанияларымен жұмыс жасайтын «Metal One Corporation» компаниясы болат дистрибьюциясы саласындағы көшбасшы болып табылады.
«MetalOneSteelProductsCorporation» жалпыұлттық көлемде сым шыбықтарын, арнайы болат және тот баспайтын болат шығарумен айналысады.  
Облыс әкімі Нұрлан Ноғаев инвесторларды өңірдің инвестициялық мүмкіндіктерімен таныстырып, Президенттің ел экономикасына инвестициялар тартуға зор маңыз беріп отырғанын атап өтті. «Біз тиімді қарым-қатынас үшін қажетті барлық жағдайды жасаймыз, екіжақты ынтымақтастың әлеуеті зор»,-деп өңір басшысы атап айтты.    
​Жапондық инвесторлар өнім өндіретін өз зауытын салуды жоспарлап отыр. Жұмыс сапары кезінде олар болашақ құрылыстың алаңшасын қарайды. Сондай-ақ, индустриалдық мұнай химиясы технопаркінің жұмысымен танысады.

IMG 20190625 WA0036
IMG 20190625 WA0035
Баға берсеңіз
Атырау газеті
Пікір қалдырыңыз