Ғалымдардың пайымынша, жануарлар ақуыздарын пайдалану адам ағзасында IGF-1 гормонының өсуіне әкеліп соғады. Балалар үшін бұл гормонның көп болуы маңызды. Ал, ересек адамдарға оның мөлшерден тыс болуы обыр мен түрлі ауруларды тудыруы әбден мүмкін. Атап айтқанда, жасы 50-ден асқан алты мың адамға жүргізген зерттеу кезінде ғалымдар жануарлар ақуызын көп пайдаланған адамдардың етті аз жейтін адамдарға қарағанда обырға шалдығу мүмкіндігі төрт есеге көп екенін дәлелдеген. Ал, IGF-1 гормонының аз мөлшері жасушаны ДНҚ-ның зақымдануынан сақтайды.
Бұған қоса, ғалымдар өсімдік ақуызын көп пайдаланудың түбі жақсылыққа әкелмейді деп отыр. Мәселен, 64 жастан бастап адам ағзасындағы IGF-1 гормоны азайып, нәтижесінде салмақ азаюы мен сүйектің морттығы артады. Сондықтан, мұндай адамдарға ақуызды пайдалануға тыйым салынады.
Өз тілшіміз.
