17 қарашада «Қыс – 2016» республикалық командалық-штабтық жаттығуы өтеді

Қазақстан Республикасы Ішкі істер министрлігінің Төтенше жағдайлар комитеті 2016 жылғы 16 – 18 қарашада «Қысқы кезең жағдайында төтенше жағдайлардың салдарын жою кезіндегі іс-қимылдарға азаматтық қорғау мемлекеттік жүйесінің басқару органдары мен күштерін даярлау» тақырыбында өтеді. Жаттығудың басшылық штабын ҚР Ішкі істер министрінің орынбасары Ю.В. Ильин басқарады. Атырау облысы бойынша оқу-жаттығу жетекшісі – облыс әкімінің орынбасары Т.Шәкімов, оқу-жаттығу жетекшісінің орынбасары – облыстық төтенше жағдайлар департаментінің бастығы өртке қарсы қызмет полковнигі С.Өмірзахов, оқу-жаттығу штабының бастығы –   облыстық төтенше жағдайлар департаментінің бастығының орынбасары  полковник З.Бердашев.

8c1bc4f87cd4f758284cb22380dfb51c

«Қыс – 2016» республикалық командалық-штабтық жаттығу барысында шұғыл әрекет ету жасағының жауынгерлік дайындығы, Ішкі істер министрлігі  ТЖК бөлімшелерінің материалдық-техникалық жабдықталуы тексеріледі. Жаттығуға жұмылдырылған орталық және жергілікті атқарушы органдарының күштерімен жаттығу орнында қысқы кезеңде төтенше жағдайды жою бойынша практикалық мәселелер пысықталады.

Тұрғын үй-коммуналдық шаруашылық және әлеуметтік сала объектілерінің қысқы кезеңге әзірлігі бойынша, электр және жылу жүйелерінің жұмыс істеуі, апаттық-құтқару қызметі мен құралымдарының техникалық жарақтануы, жанар-жағар, инерттік және құрылыс материалдарының қоры туралы мәселелер тексеріледі.  Сонымен қатар, жолдардың жағдайына ерекше көңіл бөлінетін болады. Қар құрсауындағы учаскелер, жылыну және тамақтану бекеттерінің орналасуы, сондай-ақ шекаралас облыстармен өзара әрекет ету мәселелеріне баса көңіл бөлінеді.

1- жаттығу орны:

17 қараша. Сағат 09.00-дан 09.30-ға дейін (Бәйтерек ауданы) – облыстық шұғыл әрекет ету жасағының күштер мен құралдарының дайындығын тексеру.

2-жаттығу орны:

Сағат 09.40-дан 10.20-ға дейін (Алмагүл мөлтекауданы, №23 үй)  өрттерді жою және зардап шеккендерге көмек көрсету.

3-жаттығу орны:

Сағат 10.40-ден  11.20-ға дейін (сүт комбинаты маңы, №4, №5 павильоны №1 магистрал торабы) – диаметрі 500 мм. құбыр желісін ауыстыру.

4-жаттығу орны:

Сағат 11.30-12.00  (Атырау қаласынан 25-ші шақырымда Атырау – Астрахань тас жолы) – қарлы бұрқасын кезінде төтенше жағдайларды жою және  адамдарды құтқару. 

Атырау облысының төтенше жағдайлар департаментінің мемлекеттік тіл және ақпарат тобы.

 

Оставить комментарий

Ваш email нигде не будет показанОбязательные для заполнения поля помечены *

*