ОТАНДЫҚ ӨНДІРІСКЕ – КЕҢ ӨРІС

 

– «Жұмыспен қамту-2020» бағдарламасы бойынша облыста және Индер ауданында атқарылып жатқан жұмыстар аз емес. Бағдарламаның бірінші бағыты, атап айтқанда, әлеуметтік нысандарды күрделі жөндеу жұмыстарына ауылдағы жұмыссыз адамдарды көптеп тарту көзделген еді. Мәселен, ауданда  8 нысан жөнделіп, оған 153 жұмыссыз тартылды. Ал, ауылдағы  кәсіпкерлікті дамыту үшін өткен  жылы 85 адам 217,250 млн. теңгеге егін мен мал шаруашылығын, наубайхана, жылыжай, көлік жөндеу  бағытында кәсіпкерлікпен айналысуға шағын несиелерін  алып, жұмыстарын бастады. Сондай-ақ,  бағдарламаның үшінші бағыты бойынша қайта даярлауға – 30 адам, біліктілігін арттыруға 15 адам оқытылған. Жалпы алғанда, Индер ауданында бұл бағыттағы жұмыстар өзгелермен салыстырғанда едәуір ілгері, – деді насихат тобының жетекшісі.

Топ мүшесі, облыстық ауыл шаруашылығы басқармасының бөлім басшысы Т. Әміров Жолдаудағы ауыл шаруашылығына байланысты қойылған міндеттерді сөз ете келіп, облыс көлемінде атқарылып жатқан жұмыстарға тоқталды. Субсидия төленетін салалар мен «Сыбаға» бағдарламасы бойынша несиеге қол жеткен шаруашылықтар жайынан да хабар берді.

«Қазақстан жолы – 2050: бір мақсат, бір мүдде, бір болашақ» Жолдауының негізгі қағидаларын халыққа кеңінен насихаттап, түсіндіру жөніндегі облыстық ақпараттық-насихат тобының сапары одан әрі Көктоғай селолық округінде жалғасты.

Мұнда да Елбасы Жолдауының қоғамдық дамуымыздағы орны мен ролі, өркениетті дамыған 30 елдің қатарына қосылуды мақсат еткен тәуелсіз Қазақстанның бүгінгі жетістіктері мен болашақ алар асулары, сондай-ақ  халықтың әлеуметтік мәселелерін шешу сынды мәселелер төңірегінде жан-жақты сөз болды. Өз кезегінде жиынға қатысушылар өздерін толғандырған бірнеше сауалдарын жолдап, нақты жауаптарын да алды.  

Сүйеу ХАЛЫҚОВ.

Индер  ауданы.

Оставить комментарий

Ваш email нигде не будет показанОбязательные для заполнения поля помечены *

*