Мəдениет жəне спорт министрі Теннис орталығында болды (ФОТО)

Мәдениет және спорт министрі Арыстанбек Мұхамедиұлы Атырау облысына сапары барысында былтырғы жылы жаңадан ашылған Теннис орталығында болып, теннисші жас өрендермен кездесті.

_EAC8251

Былтырғы жылы толықтай пайдалануға берілген теннис орталығы халықаралық стандартқа сай салынған орталық. Аталған кешенде 8 теннис корты бар. Оның төртеуі жабық алаңда орналасса, қалған төртеуі сырт алаңда орналасқан. Халықаралық жарыстарды өткізу үшін 300 орынды трибунасы бар. Сондай-ақ, орталықта тренажер залы, конференц зал, асхана, жуынатын бөлмелері іске қосылған.

_EAC8368

_EAC8342

Бұл жерде бір уақытта 600 спортшы жаттыға алады. Жабынды Рио-де-Жанейродағы олимпиада алаңдарында корттарды дайындауға тартылған испаниялық мамандар жасаған.
Осы орталықты аралап, жасөспірімдердің ойынын тамашалаған министр Арыстанбек Мұхамедиұлы болашақта Атырау өңірінен теннисші-чемпиондар шығатынына сенім білдірді.

_EAC8291

– Атыраулықтар сегіз жыл бойы асыға күткен теннис орталығының жұмысы көңілден шығады. Болашақта Атырау қаласында талантты теннисшілер болатындығына күмәнім жоқ. Бұл кешенде тәрбиеленген спортшылар халықаралық ареналарда өнер көрсететіндігіне сенімдімін, – деді министр Арыстанбек Мұхамедиұлы.

Нұрсұлтан ЕРТУҒАНҰЛЫ
Суреттерді түсірген Ерлан Алтыбаев

Оставить комментарий

Ваш email нигде не будет показанОбязательные для заполнения поля помечены *

*