Көршісінің үйіне мас күйінде келіп, оны боқтап-балағаттаған

Атырау облысының Қызылқоға ауданында көршілер медиация көмегімен татуласты. Миялы селосының тұрғыны Ж.-ға қатысты жекеше айыптау қылмыстық ісі аудандық сотта қаралған.

фото

Облыстық соттың баспасөз қызметінің хабарлауынша, азамат Ж. мас күйінде көршісі Т.-ның үйіне келіп, оны себепсіз абыройына тиетін сөздермен боқтап-балағаттаған.

Сот отырысында сотталушы Ж. жәбірленуші Т.-дан кешірім сұрап, жеке айыптаушымен медиациялық келісімге келулеріне байланысты өзіне қатысты істі тоқтатуды сұрады.

Тараптармен сотқа кәсіби емес медиатордың қатысуымен жасақталған медиациялық келісім ұсынылды.

Сот қаулысымен Қазақстан Республикасының ҚК-нің 131-бабының 1-бөлігімен Ж.-ға қатысты қылмыстық іс тараптардың медиация тәртібімен татуласуларына байланысты тоқтатылды.

Айқара Ғұмар

Фото скс.kz сайтынан алынған

Оставить комментарий

Ваш email нигде не будет показанОбязательные для заполнения поля помечены *

*