Атырауда Билер кеңесі қоғамдық қабылдау өткізеді

Жаңалықтар Қоғам Құқық

Билер кеңесінің алғашқы қабылдауы 2019 жылғы 13 ақпанда, сағат 14.00 – 17.00 аралығында Атырау қаласы, Құлманов көшесі бойындағы “Достық үйінде” өтеді.

Фото – old.el.kz

Бірлестіктің негізгі мақсаты – өңірдегі қалыптасқан ахуалды тұрақтандыру, сонымен қатар әлеуметтік, діни және өзге де дау-жанжалдарды шешуге қатысу. Сондай-ақ қазақтың дәстүрлі құқығы мен қазақ билерінің дау шешудегі бай тәжірибесін қолдану арқылы тұрғындардың арасында пайда болған дауларды шешу бағытында тәжірибелік көмек көрсету.

Айта кетелік, өткен жылы “Атырау облысының Билер кеңесі” қоғамдық бірлестігі құрылған болатын. Билер кеңесінің құрамына көпті көрген, көп жылдар бойы ел басқару ісінде абыройлы қызмет еткен қоғам қайраткерлері мен зиялы қауым өкілдері кіреді.

 Атырау облысы Билер кеңесінің төрағасы болып белгілі қоғам қайраткері Ғаббас Хисметуллин, кеңестің хатшысы ретінде сот жүйесінің ардагері Сәуле Байменова сайланды. Аудан орталықтарында жергілікті зиялы қауым мүшелерінен құралған Билер кеңесінің жұмыс топтары құрылды.

Толық ақпаратты 8(7122) 55-82-08 телефоны арқылы алуға болады.

1 thought on “Атырауда Билер кеңесі қоғамдық қабылдау өткізеді

Добавить комментарий

Ваш e-mail не будет опубликован. Обязательные поля помечены *