Жолдау

Саламат ЕЛАМАНОВ, «Атырау облысы Кәсіподақтар орталығы» аумақтық кәсіподақтар бірлестігі төрағаcының орынбасары: КӨП МӘСЕЛЕНІ ҰЖЫМДЫҚ ШАРТ ШЕШЕДІ

Жаңа Еңбек Кодексінде ұжымдық-келісімдік қатынастарға баса көңіл бөлінген. Яғни, жергілікті бастауыш кәсіподақтар өз мәселелерін қаншалықты көтеріп, ұжымдық шартқа енгізетін болса, соншалықты олардың мүдделері ескерілетін болады. Сайып келгенде, ұжымдық шарт арқылы, еңбекақы төлеуді нормалау, оның нысандары, жүйелері, жалақыны индекстеу, жұмыс уақыты мен тынығу уақыты, үстеме жұмысы үшін қосымша ақы төлеу, кәсіптік одақ қызметі үшін жағдай жасау, кәсіподақ мүшелері болып табылатын қызметкерлермен еңбек шартын бұзған кезде ұйымның кәсіподақ органының дәлелді пікірін ескерудің тәртібі туралы және басқа да еңбек қатынастарына қатысты мәселелерді қарастыруға болады.

Читать далее »

Балдай ӨТЕҒАЛИЕВА, Атырау облысы Жұмыспен қамтуды үйлестіру және әлеуметтік бағдарламалар басқармасы басшысының орынбасары: ПИЛОТТЫҚ ЖОБАНЫҢ ПАЙДАСЫ

Еңбек Кодексінің негізінен дағдарысқа қарсы шараларды қарастыруымен ерекшеленетіні белгілі.Осы ретте облыстағы ахуалға тоқталғым келеді. Жұмыс көлемінің азаюына байланысты, облыста жыл басынан бері  643 адам жұмыстан қысқартылды. Олардың 315-і жұмыспен қамту органдарына тіркеліп, 205-і тұрақты жұмысқа орналастырылды. 43 адам қоғамдық жұмыстарға, 7 адам қайта даярлау курстарына және 1 адам әлеуметтік жұмыс орындарына жіберілді. 4 адам «Жұмыспен қамту-2020 жол картасы» бағдарламасы шеңберінде шағын несие алып, өз істерімен айналысуда.

Читать далее »

ҒЫЛЫМ МЕН ӨНДІРІС ӨЗЕКТЕС ДАМЫСА…

экономиканың өркендеуіне кеңінен жол ашылады

Қаржылық дағдарыс жағдайынан отандық экономиканы қалай алып шығуға болады? Ұлттық валютаның құндылығын арттыру үшін не істеу қажет? Қаржы секторы қайткенде тұрақтанады? Ғылыми жаңалықтардың қолданысқа енуіне не кедергі? – Дағдарысқа қарсы жаңа саясатты – нақты міндеттерді жүзеге асыруды ұсынған Президент Жолдауына орай облыстық «Атырау» газетінің ұйымдастыруымен өткен «дөңгелек үстел» басындағы әңгіме барысында осы мәселелер төңірегінде ой-пікір өрбіді.

Газеттің Бас редакторы Исатай Балмағамбетовтің модераторлығымен өткен іс-шараға «Іскер Group» компаниясының мемлекеттік органдармен байланыс жөніндегі директоры, облыстық мәслихаттың депутаты Сайын Қуанышев, Х.Досмұхамедов атындағы Атырау мемлекеттік университеті жаратылыстану ғылымдары факультетінің деканы, техника ғылымдарының докторы, профессор, облыстық мәслихаттың  депутаты Бекет Кенжеғұлов, «Атырау  Innovations» компаниясының директоры Азамат Асылбеков пен Атырау мұнай және газ институтының инновация және ғылыми жұмыстар жөніндегі проректоры Әбілсейіт Мұхтар қатысты. 

Читать далее »

КӘСІПТІК БІЛІМГЕ ҚҰШТАРЛЫҚ АРТАДЫ

Ел Президентінің халыққа «Қазақстан жаңа жаһандық, нақты ахуалда: өсім, реформалар, даму» атты кезекті Жолдауын Атырау инженерлік-гуманитарлық институт колледжінің ұжымы зор ықыласпен қабылдап, қызу қолдау білдіріп отыр.

Читать далее »

БОЛАШАҚҚА НЕГІЗ – ТӘРБИЕДЕН

Күні кеше Елбасы Нұрсұлтан Назарбаевтың Қазақстан халқына арнаған  «Қазақстан жаңа жаһандық ахуалда: өсім, реформалар, даму» тақырыбындағы Жолдауын біздің «Қызғалдақ» мектепке дейінгі бөбекжай ұжымы да қызу талқыға салды.  Мен де сүйікті газетім арқылы өз пікірімді білдіруді жөн көрдім.

Читать далее »

НЕГЕ ҰМТЫЛ, НЕДЕН САҚТАН?

Облыс әкімі Бақтықожа Ізмұхамбетов Астанада республикалық бұқаралық ақпарат құралдары өкілдерімен баспасөз конференциясын өткізгеннен кейін аймақтағы мемлекеттік құрылымдар да өткен мерзімде атқарған жұмыстары жөнінде кеңінен мәлімет бере бастады. Бұл жолы жергілікті журналистермен кездесуге жұмыспен қамтуды үйлестіру және әлеуметтік бағдарламалар басқармасы, «Атамекен» кәсіпкерлік палатасы филиалы мен Атырау облыстық және қалалық прокуратурасының өкілдері келді. 

Читать далее »

АЛЫСТАҒЫ АЗҒЫРДЫҢ АРМАНЫ

жақын  жылдары  жүзеге  асады

Үстіміздегі жылғы 8 желтоқсанда Астанада Орталық телекоммуникация қызметінде республикалық бұқаралық ақпарат құралдары өкілдерімен брифинг өткізіп, аймақтың әлеуметтік-экономикалық дамуын баяндаған Атырау облысының әкімі Бақтықожа ІЗМҰХАМБЕТОВ Азғыр өңірінің он елді мекеніне табиғи газ құбыры тартылатындығын айтты. Ал, кеше аймақтық телекоммуникация қызметінде жергілікті журналистермен жүздескен облыстық энергетика және коммуналдық шаруашылық басқармасының басшысы Ақылбек Байшаханов тұрғындардың тұрмыстық жағдайын жақсартуға бағытталған шараларды кеңінен әңгімеледі.

Читать далее »

ЖАУАПКЕРШІЛІК ЖҮГІ ЖЕҢІЛДЕМЕЙДІ

- Өздеріңізге мәлім, Мемлекет басшысының Жолдауында жүктелген міндеттердің қай-қайсысы да біздер үшін аса маңызды. Ал, олардың ойдағыдай орындалуына мүдделілік танытып, еліміздің жаһандық дағдарысты еңсеріп, ілгері қарай дамуына үлес қосу –баршамыздың борышымыз, - деді актив жиналысында алғашқы болып сөйлеген қала әкімі Нұрлыбек Ожаев. - Осы орайда, бұған дейін қабылданып, бірінші кезеңі аяқталып, екіншісіне қадам басқан үдемелі индустриялды-инновациялық даму бағдарламасының қиындықты жеңіп, тығырықтан шығуға мүмкіндік беретінін айтқанымыз жөн. Осылайша, 2010-2014 жылдары қаламызда жалпы құны 51,2 млрд.теңгені құрайтын 22 инновациялық жоба жүзеге асырылып отыр. Ағымдағы жылдың аяғына дейін 714,2 млн. теңгеге бағаланған және бір жоба іске қосылмақшы. Мұның сыртында «Нұрлы жол» бағдарламасы, «100 нақты қадам» – Ұлт жоспары аясында атқарылатын жұмыстар да аз емес.

Читать далее »