Саясат

ҚАРЖЫ УАҚТЫЛЫ ИГЕРІЛУІ ТИІС

Ағымдағы жылдың алғашқы жартыжылдығының аяқталуына да санаулы уақыт қалды. Демек, әдеттегідей атқарылған жұмыстарға есеп берер кез келді. Жақында облыс бюджетінің игерілу жайы қаралды. Күні бүгінде өңірімізде қаражатты жұмсау 80,9 пайызды құрап отыр. Аймақ басшысының бірінші орынбасары Ғұмар Дүйсембаевтың айтуынша, қаржыны игеруде қарқын қажет. 
Айта кету керек, жалпы ел бойынша бюджет есебінен бөлінген ақшаны мақсатты жұмсау маңызды мәселеге айналды. Үкімет басшысы да ресми жиындарда бұл бағытта қатаң талап қойып, қаражатты игермеген аймақтардан кері қайтарып алуға мәжбүр болатынын талай мәрте ескертті. Ал, таяуда біздің облыста аудан әкімдері мен басқарма басшыларымен өткізілген селекторлық кеңесте кемшін тұстар айтылып, нақты тапсырмалар жүктелген еді.

Читать далее »

ГЕРМАНИЯМЕН БАЙЛАНЫС НЫҒАЯ ТҮСТІ

  Соңғы кездері Атырау аймағы мен Германия елі арасындағы барыс-келіс жиілеп, іскерлік байланыстар мен әріптестік бағытындағы қарым-қатынастар нығайды. 
Осы аптада немістің «Buss Group» компаниясының өкілдері жұмыс сапарымен Атырауға келді. Аталған компанияның бас директоры Йоханн Киллингер бастаған германдық делегацияны облыс әкімі Бақтықожа Ізмұхамбетов қабылдап, өз әріптестерімен бірге жылы шырайлы жүздесу өткізді.

Читать далее »

АТЫРАУ ОБЛЫСЫНЫҢ ӘКІМІ МҮГЕДЕКТЕР ҰЙЫМЫНЫҢ ТӨРАҒАСЫН КЕҢЕСШІСІ ЕТІП ТАҒАЙЫНДАДЫ

      Атырауда мүмкіндігі шектеулі жандардың мұң-мұқтажын аймақ басшысына жеткізіп, мәселелерді шешуге атсалысып отыратын арнайы кеңесші тағайындалды. Бұл облыс әкімі Бақтықожа Ізмұхамбетовтің өңірдегі мүгедектер ұйымдарының белсенді өкілдерін қабылдауында белгілі болды. 
Осы аптаның басында Үкімет үйінде Премьер-министр Серік Ахметов өткізген селекторлық кеңесте мүмкіндігі шектеулі жандардың түйткілді мәселелері ортаға салынып, нақты тапсырмалар жүктелген еді. Осыған орай кеше аймақ басшысы мүгедектердің басын біріктіретін түрлі қоғамдық ұйымдардың өкілдерін арнайы қабылдап, олардың мұң-мұқтажымен жан-жақты танысты.
- Үкімет басшысы бұл бағыттағы жұмыстарды жүйелі түрде атқарушы билікке жеткізетін, екі жақты қарым-қатынасты жақсарту мақсатында облыс әкімінің кеңесшісін қарастыруды ұсынған болатын. Осыған орай кеңесшілікке облыстық мүгедектер қоғамының төрағасы Манап Абдрахимовты тағайындаймын, - деді облыс әкімі Бақтықожа Салахатдинұлы Ізмұхамбетов.
Қабылдаудың басынан-ақ қамкөңіл жандарға елімізде айтарлықтай көмек көрсетілгенмен, мүмкіндіктері шектеулі болғандықтан, кездесетін қиындықтар да аз емес екендігі айқын аңғарылды. Алдымен сөз алған облыстық мүгедектер қоғамының төрағасы Манап Абдрахимов аймақта 15780 мүгедек бар болса, олардың барлығына дерлік ортақ түйінді мәселелерге тоқталды. Оның атап айтқанындай, біріншіден, мүмкіндігі шектеулі жандарды алаңдататыны – коммуналдық қызметтерге тарифті 50 пайызға төмендету мәселесі.

Читать далее »

ЭЛЕКТРОНДЫ САУДА-САТТЫҚҚА БЕТБҰРЫС

Облыс әкімдігінде «Электронды сауда-саттықты өткізу» тақырыбында семинар өтті. Оған қаржы басқармасының, мемлекеттік мүлік және жекешелендіру департаменті, Ақпараттық-есептеу орталығы, қалалық, аудандық экономика және қаржы бөлімдерінің және ақпарат құралдарының өкілдері қатысты.
Семинарды ашып, жүргізген Атырау облысы мемлекеттік мүлік және жекешелендіру департаменті бастығы С.А.Диденко Елбасының 2012 жылғы 27 қаңтардағы Қазақстан халқына «Әлеуметтік-экономикалық жаңғырту – Қазақстан дамуының басты бағыты» атты Жолдауында барша қазақстандықтарды ақпараттық мүмкіндіктерді барынша белсенді игеруге шақырғанын атап өтті. Осыған орай Қазақстан Республикасының Қаржы министрлігі Мемлекеттік мүлік және жекешелендіру комитетінің «Ақпараттық есептеу орталығы» акционерлік қоғамының басқарма төрағасы Ж.Оспанов семинарға қатысушыларға электрондық сауда-саттық туралы кеңінен түсінік берді.

Читать далее »

«ЖОЛДАР УАҚТЫЛЫ ЖӨНДЕЛУІ ТИІС»

4-11Аймақты тақтайдай тегіс жолдармен қамтамасыз ету үшін жергілікті бюджеттен де қомақты қаржы бөлінуі тиіс. Әйтпесе, аз қаражатқа қаһарлы қыста тасжолдарды күтіп ұстау мүмкін емес. Бұл туралы селекторлық кеңесте ҚР Транспорт және коммуникация министрі Асқар Жұмағалиев қадап айтты. Маңызды мәселе талқыға түскен жиынға облыс әкімінің орынбасары Сәлімжан Нақпаев онлайн режимінде қатысты.

Читать далее »

МЕМЛЕКЕТТІК ҚЫЗМЕТКЕ ЖАУАПКЕРШІЛІК КҮШЕЙДІ

43regfdМемлекеттік қызметкерлердің жауапкершілігі ұлғайып, оларға қойылар талап та күшейді. Жақында ғана күшіне енген «Мемлекеттік қызмет туралы» заңға енгізілген өзгертулер мемлекеттік қызметке нақты білімі мен қажетті басқару тәжірибесі бар кәсіби даярлығы жоғары мамандарды тартуды көздейді. Бұл туралы Атырау облыстық мәслихатының кезектен тыс сессиясында айтылды. Бесінші шақырылымдағы облыстық мәслихаттың XII сессиясына облыс әкімі Бақтықожа Ізмұхамбетов пен оның орынбасарлары, басқармалар басшылары мен бұқаралық ақпарат құралдарының өкілдері қатысты.

Читать далее »

БАСТЫ БАҒЫТ – ҚОЛЖЕТІМДІ БАСПАНА

Өткен жылы Елбасы Нұрсұлтан Назарбаевтың Жолдауында жүктелген тапсырмаларды орындау мақсатында Үкімет қабылдап, бекіткен «Қолжетімді баспана–2020» бағдарламасының мақсатты индикаторына сәйкес, 2013 жылы бағдарламаның барлық бағыттары бойынша 6,6 млн. шаршы метр тұрғын үй салынуы тиіс. Қазір осы үдеден шығу үшін жергілікті әкімдіктер дағдарыс кезеңінде тұралап қалған тұрғын үй құрылысын қайта жандандырып, іске бел шеше кірісуі қажет.

Читать далее »

ІСКЕРЛІК ӨРІСІ – ЫНТЫМАҚТАСТЫҚТА

6463342Бейсенбі күні Атырау облысының әкімі Бақтықожа Ізмұхамбетов Ұлыбританияның Қазақстандағы төтенше және өкілетті елшісі Кэролин Браун ханым мен Елшіліктің энергетика мәселелері бойынша аймақтық кеңесшісі Джонатан Кук мырзаны қабылдады.
Кездесу барысында келешекте облыстың экономикалық дамуында жасалатын қадамдар, екі ел арасындағы бірлескен мұнай-газ жобалары талқыланды.

Читать далее »

ҚАЗЫНА ҚАРЖЫСЫНА – ҚАТАҢ БАҚЫЛАУ

3555552СЕССИЯДА ОБЛЫС БАСШЫСЫ ОСЫНДАЙ ТАЛАП ҚОЙДЫ

Кеше облыстық мәслихаттың кезекті ХІ сессиясы өтіп, онда облыста еңбек етіп жатқан шетел компанияларындағы еңбек дауларының шешілу жолдары, «Жұмыспен қамту -2020» бағдарламасының орындалуы, мәслихат жұмысына қатысты басқа да мәселелер қаралды. Сессияға облыс әкімі Бақтықожа Ізмұхамбетов қатысты.

Читать далее »

АЙТЫЛҒАН СӨЗ АЯҚСЫЗ ҚАЛМАЙДЫ

Сейсенбі күні өткен үкімет отырысында «Нұр Отан» ХДП-ның сайлауалды тұғырнамасының орындалу барысы қаралды. Селекторлық жиынды облыстық әкімшілікте облыс әкімі Бақтықожа Ізмұхамбетов бастаған басшылар тікелей бейнебайланыс арқылы тамашалады.

Читать далее »