Саясат

ТАЛАП ТА, МІНДЕТ ТЕ АЙҚЫН

«Нұр Отан» партиясы Қызылқоға аудандық филиалы саяси кеңесінің кеңейтілген отырысы аудан әкімі, «Нұр Отан» партиясы аудандық филиалының төрағасы Мақсот Мұқановтың төрағалығымен жүргізілді.

Читать далее »

АВТОМЕКТЕПТЕРГЕ ЖАУАПКЕРШІЛІК КҮШЕЙДІ

Қазақстанда жүргізушілерді оқытуға немқұрайлы қараған автомектептер жауапкершілікке тартылуы мүмкін. Өйткені, бұл оқу орындары болашақ жүргізушілерге тиісті білім бермейді. Оқыту деңгейлері де тым төмен. Сондықтан, бұл берекесіздікке тоқтау салынатынын сейсенбі күні Орталық коммуникациялар қызметінде өткен баспасөз мәслихатында ҚР ІІМ Әкімшілік полиция комитетінің төрағасы Игорь Лепеха ескертіп отыр.

Читать далее »

ЖАСТАР КӨТЕРЕР ЖҮК АУЫР

Қазіргі уақытта «Нұр Отан» партиясы жанындағы «Жас Отан» Жастар қанатының негізгі миссиясы – жастардың, соның ішінде ауыл жастарының әлеуметтік сұранысын қанағаттандыру, жастарға арналып жасақталған мемлекеттік бағдарламаларды насихаттау, түсіндіру болып табылады.

Читать далее »

АУЫЛДЫ ДАМЫТУ – АЙРЫҚША МІНДЕТ

Елбасының «Қазақстан-2050» стратегиясы: қалыптасқан мемлекеттің жаңа саяси бағыты» атты Жолдауын басшылыққа алып, жұмыс жасап жатқан ауылдық-селолық округтердің жақында сайланған әкімдері халық алдына шығып, өздерінің атқарған жұмыстары мен алдағы міндеттері туралы есептерін берді. Онда тұрғындардың талап-тілектері тыңдалып, сауалдарына жауап берілді, алдағы міндеттер талқыға салынды.

Читать далее »

ӨНДІРІСТІ АУДАННЫҢ ӨРІСІ ҚАЙТСЕ КЕҢЕЙЕДІ?

Еліміздегі облыс, қала, аудан басшыларының атқарған жұмыстары жөнінде тікелей эфирде есеп беру үрдісі биыл жаңаша форматта жүріп жатыр. Бұл жолғы кезекте сейсенбі күні «Жайық-ақпарат» баспасөз клубында болған бұқаралық ақпарат құралдары өкілдерімен кездесуге Мақат ауданының әкімі Ерболат Омаров келді. Облыс әкімдігі баспасөз қызметінің жетекшісі Саламат Сабырдың кіріспе сөзінен кейін мұнайлы ауданның тыныс-тіршілігі жөнінде сөйлеген әкім журналистердің көкейкесті сауалдарына жауап берді.

Читать далее »

ҚАМКӨҢІЛ ЖАНДАРДЫҢ ҚАМҚОРШЫСЫ төл мерекелерін атап өтті

Қазан айының соңғы жексенбісінде әлеуметтік қорғау жүйесі қызметкерлері төл мерекелерін атап өтті. Бұл жолы сала мамандары салтанатты жиынды Н.Жантөрин атындағы облыстық филармонияда ұйымдастырды. Мереке иелерін айтулы датамен құттықтауға облыс әкімінің атынан орынбасары Шыңғыс Мұқан келіп, игі тілектерін арнады. 

Читать далее »

ҚЫЛМЫСТЫҢ ҮЛКЕН-КІШІСІ ЖОҚ сондықтан, оның алдын алған абзал

Алдыңғы күні облыс әкімі Бақтықожа Ізмұхамбетовтің төрағалығымен әкімдік жанындағы құқық бұзушылықпен күрес жөніндегі комиссияның кезекті мәжілісі өтті.

Читать далее »

ТАРИФ САЯСАТЫ – ҰҚЫПТЫЛЫҚ ПЕН ҮНЕМДІЛІК сонда тұтынушы құқығы да қорғалады

Жасыратыны жоқ, жыл санап коммуналдық қызмет құны көтеріліп келеді. Елбасының өзі алдағы уақытта арзан ауыз судың, электр энергиясы мен табиғи газдың болмайтындығын ашып айтты. Әрине, жұртшылық қымбатшылықты құптай қоймайды. Осы орайда үнем мәселесі алға тартылуда. Оның үстіне Мемлекет басшысының тапсырмасына орай, уәкілетті орындардың тариф саясатын сауатты жүргізуі талап етіледі.

Читать далее »

«АСТАНА–ЩУЧЬЕ» ТАСЖОЛЫНДА ҚАЗА ТАПҚАНДАР САНЫ 22 ЕСЕ АЗАЙҒАН

Бұл жөнiнде ҚР Орталық коммуникациялар қызметiнде өткен брифингте ҚР Көлiк және коммуникация вице-министрi Мереке Пiшембаев мәлiмдедi.
«Көлiк және коммуникация министрлiгi республикадағы 23 500 жолға қадағалау жүргiзiп, жауап беремiз. Жолдардың қауiпсiз деңгейiн арттыру бағытында мына шаралар қабылдануда: бiрiншiден, қозғалыс қарқыны жоғары жолдарды, техникалық бiрiншi деңгейдегi жолдарды төрт жолақты және қарама-қарсы бағыттағы жолақтары бар жолдарға ауыстыру. Бұл жүргiзушiлердiң басып озу кезiнде қарсы бағыттағы жол бетiне шығып кетуiн шектейдi», - деп атап өтті Мереке Пiшембаев. Атап өту керек, күні кеше Мемлекет басшысы Ақордада өткен Үкіметтің кеңейтілген отырысы кезінде жол қауіпсіздігі мен Қазақстан жолдарының сапасына қатысты сын айтып, сала бойынша жұмыс күшейсін деп тапсырма берген болатын. Бүгін сала басшылары, Мемлекет басшысының тапсырмасы бойынша жұмысымызды жүйелі жалғастыратын боламыз деп мәлім етті. Вице-министр Мереке Пішембаев мәлім еткендей: «Осындай талапта салынған автобандардың бiрi – «Астана-Щучье» тасжолы. Нәтижесiнде, жол-көлiк оқиғалары 3 есе, ал қаза тапқандар саны 22 есе азайған. 2020 жылға дейiн осындай бiрiншi техникалық категорияға сай жолдарды 4 мың шақырымға жеткiзудi көздеп отырмыз», - деді ол.

Читать далее »

“ЖОЛ АПАТЫНЫҢ 90%-Ы ЖҮРГIЗУШIЛЕРДIҢ КIНӘСIНЕН ОРЫН АЛАДЫ”

Бұл жөнiнде ҚР Орталық коммуникациялар қызметiнде өткен брифингте ҚР Iшкi iстер министрлiгi Әкiмшiлiк полиция комитетiнiң төрағасы Игорь Лепеха мәлiмдедi.
«Жол-көлiк оқиғаларының 90%-ы жүргiзушiлердiң кiнәсiнен орын алады, оның 24%-ы жылдамдықты шектен асыруда жатыр. Бiз жол апаттарының орын алу себептерiне талдау жүргiземiз. Яғни апаттардың себепші - көше қиылыстарынан өту ережесiнiң бұзылуы - 11%, маневр жасаудағы қателiк - 10%, жаяу жүргiншiнiң жолдан өту ережесiнiң бұзуы - 10%, қарсы беттегi жол бөлiгiне шығып кету - 9%. Бiз инфрақұрылым, жолдардың жағдайы жайлы айтып отырмыз. Бiрақ, бiздiң әрқайсысымыз жол үстiнде бiр-бiрiміздi сыйлап, жол қозғалысы ережесiн сақтамасақ, онда қандай да бiр оң бетбұрыс болуы екiталай», - дедi И.Лепеха. Оның айтуынша, елiмiздегi жолдарда барлығы 357 стационарлық автоматтық тiркеу жүйе орнатылған. «Бүгiнгi күнi стационарлық автоматтық тiркеу жүйелерi елiмiздегi 16 қалада бар. Олар жолдың жылдам жүру учаскелерiнде, көрiнiс шектелген қолдан салынған құрылыстарды және iрi жол қиылыстарында орнатылған. Олардың жалпы саны бүгiнде 357-ге жетiп отыр», - дедi комитет төрағасы. Атап өту керек, күні кеше Мемлекет басшысы Үкіметтің кеңейтілген отырысы кезінде жол қауіпсіздігі мен Қазақстан жолдарының сапасына қатысты сын айтып, сала бойынша жұмыс күшейсін деп тапсырма берген болатын.

Читать далее »