Саясат

ОТАНДЫҚ КОМПАНИЯҒА ҚОЛДАУ КӨРСЕТІЛЕДІ

бұл олардың сыртқы нарыққа шығуына жол ашады

ҮИИД бағдарламасының басты мақсаттарының бірі — отандық компаниялардың сыртқы нарықтарға шығуын ынталандыру. Осы мақсатта арнайы «Экспорт-2020» бағдарламасы қабылданды, оның операторы — Kaznex Invest экспорт және инвестициялар ұлттық агенттігі (ИЖТМ құрылымына кіреді).

ҮИИДБ іске асыру жылдарында Қазақстанда экспорттаушыларды қолдаудың және дамытудың кешенді жүйесі жолға қойылды. Бұл бағытта шикізаттық емес сектордың 1500 жуық кәсіпорын осы бағыттағы мемлекеттік қолдаумен қамтылған.

Читать далее »

ЖЫЛ АЯҒЫНДА ЖҰМЫС КӨП

Жыл соңына дейін санаулы күн қалды. Бұл биылғы жыл бюджетін тез арада тиянақтап, есеп-қисабын түгендеу қажет деген сөз. Сол себепті облыс әкімінің бірінші орынбасары Ғұмар Дүйсембаев селекторлық кеңесте аудан және қала әкімдері мен басқарма басшыларына жылдың соңғы айындағы жұмыс күндерін пайдаланып, 2013 жылдың бөлінген бюджетін толықтай игеруге жұмыстануларын тапсырды.

Читать далее »

БІРЛЕСКЕН ІСТІҢ БЕРЕКЕСІ БАР

Атырауда мұнай-газ секторын материалдық-техникалық қамтамасыз ету саласындағы қарым-қатынас мәселелері бойынша V Қазақ-Британ Форумы өтті.
Форум Қазақстан мен Британия компанияларының арасында мұнай және газ секторында қазақстандық құрам үлесін арттыру, алдыңғы қатарлы салалық озық тәжірибеге, әлемдік технологияларға қол жеткізуге және кәсіби дағдыларды дамытуға жаңа мүмкіндіктер ашу, ұзақ мерзімді іскерлік байланыстарды орнатуға қолдау көрсету аясында өткізілді.

Читать далее »

«ЕЛГЕ ЕЛ ҚОСЫЛДЫ»

Біздің басты жетістігіміз, ең үлкен құндылығымыз – ол тәуелсіздігіміз. Сондықтан, азаттығымызды нығайту жолында бар күш-жігерімізді жұмсауға міндеттіміз. Әлемдік қауымдастықтың толыққанды мүшесі болдық. Шекарамызды айқындадық. Мемлекеттік рәміздерімізді бекіттік. Ұлттық валютамызды енгізу арқылы экономикалық жоғары көрсеткіштерге қол жеткіздік. Мұнай, шикізат емес көздерден түсетін төлемдерді ұлттық қорға жинақтау арқылы экономикалық тұрақтылыққа үлес қостық. Тәуелсіздіктің алғашқы жылдары бар-жоғы 6,5 миллион ғана қазақ едік. Яғни, қазақтар сол уақытта халықтың 40 пайызын ғана құрайтын. Бүгінде бауырларымыздың саны 11 миллионға дейін өсті. Бұл да жетістік. Тарыдай шашылған қазақтарды тарихи Отанына қайтару жолында жасалған жұмыстар нәтижесін берді. Бір миллион қандасымыз елімізге оралды.

Читать далее »

«РУХЫ БИІК ҰЛТ ОЗАДЫ»

Тәуелсіздік тұсындағы ең биік жетістігіміз, меніңше, күллі әлем сүйсініп қарайтын Астанадай әсем қаланың бой көтеруі. Бұл – Елбасы Нұрсұлтан  Назарбаевтың, қала берді, қазақ ұлтының ең үлкен жеңісі. 

Біз «Қазақстан – 2050» стратегиясын қабылдадық. Елбасы айтпақшы, ендігі жердегі біздің ұлттық идеологиямыз  осы  болуы керек. Стратегияда көрсетілген басты мұратымыз – әлемдегі ең дамыған отыз елдің қатарынан көріну болса, ендігі жерде біз ғылымның экономикаға, отандық өндіріске жұмыс істеуін қолға алуымыз қажет. Қолданыста жаңа технологиялар жүруі керек. Білім мен ғылым бәсекеге қабілетті жағдайда дамыған кезде ғана басты мұратымызға жете аламыз. Сондықтан, бізге білімді ұрпақ, сапалы маман, өз ісінің хас шеберлері керек. Еліміз еңбекшіл халыққа айналуы қажет.

Читать далее »

ЖАЙЫҚТЫҢ БОЙЫНАН ЖЕР БЕРІЛМЕЙДІ

«Қалалардың, аудандардың бас жоспарының болмауына байланысты, тыйым салынған жерлерге үйлер салынып тасталған. Мәселен, «газ құбыры орналасқан жерден белгілі бір қашықтыққа дейін үй салынбауы керек» деген талап бар. Ол да орындалмай жатыр. Сарыөзекте де осы проблема. Онда жер тек саяжай үшін ғана берілді. Ал, адамдар жеке үйлер салып алған. Көптеген үйлердің тіпті құжаты да жоқ. Сол себепті олар салық төлемейді. Салық органдары қайда қарап отыр?» деген облыс әкімі Бақтықожа Ізмұхамбетов заңсыз берілген жерлер мен үйлер мәселесінің қатаң қаралатындығын айтты. Облыстық мәслихат сессиясында болған бұл әңгіме Атырау облысы бойынша Салық департаментінің басшысы Нұржан Байғазиевтың баяндамасынан туған еді.

Читать далее »

МҰНАЙЛЫ АСТАНАНЫҢ МЕРЕЙЛІ ШАҒЫ


Жаңа үш жоба 
іске қосылады

Жыл басынан бері өндірілген өнім көлемі 120 млрд. теңгені құрады, бұл көрсеткіш өткен жылмен салыстырғанда 22 пайызға өсті. Негізгі капиталға салынған инвестициялардың көлемі 460 млрд. теңгені құрап отыр. Ал, қала бюджетінің түсімі өткен тоғыз айда 34,2 млрд. теңгені құрап, жоспардан 112,5 пайызға артық орындалған. Қаражат, негізінен, қала инфрақұрылымын дамытуға және әлеуметтік мәселелерді шешуге бағытталды.

Читать далее »

КӨШЕҢІЗ ҚАЛАЙ АТАЛАДЫ?

Ономастикалық нысандардың тарихи және дәстүрлі атауларын қалпына келтіру бойынша ұсыныстарды зерделеу және пысықтау үшін ғалымдар, ономастика саласының мамандары қатарынан жұмыс тобы құрылған еді. Облыс әкімінің орынбасары Шыңғыс Мұқанның төрағалығымен өткен оның алғашқы отырысында өңірдегі ономастика саласындағы қордаланған мәселелер талқыланып, нақты ұсыныстар ортаға салынды.
Тілдерді дамыту жөніндегі облыстық басқарма жанынан құрылған жұмыс тобы консультативті - кеңесші орган болып есептеледі. Жұмыс тобы, негізінен, өңірдегі жер-су, елді мекен, құрамдас бөліктер мен объектілер атауларының ақпараттық толыққанды мағлұматын жинақтау, ғылыми сараптама беру және атауларды тілдік нормаға сәйкестендіру бойынша ұсыныс беру, тәуелсіздік алғаннан бері жаңадан атау берілген, қайта аталған, транскрипциясы өзгертілген географиялық атауларды жүйелеп, жаңғырту секілді мәселелермен айналысады. Бұл жөнінде облыстық тілдерді дамыту жөніндегі басқарма басшысы Қилымғали Қайненов баяндады.

Читать далее »

АКАДЕМИЯ – ЮНЕСКО КЛУБЫНЫҢ МҮШЕСІ

Өңірімізде өнер мен білімді ұштастыра білікті шәкірттер тәрбиелейтін бірден-бір оқу орны - Н.Тілендиев атындағы Кіші өнер академиясы Тәуелсіздік мерекесі қарсаңында Қазақстандағы ЮНЕСКО клубының мүшелігіне қабылданды. Еліміз бойынша батыс аймақта тек аталған ұйымның мүшелігіне Ақтөбе мен Атырау облысының өнер академиясы енген екен.

Читать далее »

ЕЛ ДАМУЫНДАҒЫ ЕЛЕУЛІ КЕЗЕҢ

Парламент палаталары бесінші шақырылымының үшінші сессиясы қызу жұмыс істеп келеді. Осы сессия аралығында бүкіл еліміз үшін маңызды бірнеше оқиға болды. Оның бәрі де еліміздің дамуына, халқымыздың әл-қуатының арта түсуіне өзіндік ықпалын тигізгені даусыз. Соның ішінде, әсіресе, Мемлекет басшысы Нұрсұлтан Назарбаевтың үстіміздегі жылдың 11 қазанында Үкіметтің кеңейтілген отырысына қатысып, онда сөйлеген сөздері халықтың көптен бергі көкейінде жүрген түйткілдерін тарқатты деп атауға болады. Онда Президент мемлекеттік қаражаттың тиімді жұмсалмауына, қабылданған бағдарламалардың дұрыс орындалмауына баса назар аударып, тиісті ресми тұлғаларға, нақты басшыларға көптеген сын-ескертпелерін айтты.

Читать далее »