Руханият

ӨШПЕЙТІНДЕЙ АРТЫНА ІЗ ҚАЛДЫРҒАН…

Равиль ШЫРДАБАЕВ, мемлекет және қоғам қайраткері.

1.  Ғибратты ғұмыр

…1968 жылдың басында облыстық партия комитетінде насихатшылардың жиналысына қатыстым. Сол кезде бұрынғы Гурьев облысындағы Мақат ауданының орталығы – Доссор кентіндегі автокөлік, трактор, мұнай-газ құрал-жабдықтарын жөндейтін зауыттың бас инженері болып істейтінмін. Жиналыстан кейін облыстық партия комитетінің нұсқаушысы: «Сізді Әбілқайыр Кенжебаев шақырады», - деп оның жұмыс бөлмесіне алып барды.

Читать далее »

ҚИЫН-ҚЫСТАУ КҮНДЕР ЖАҢҒЫРЫҒЫ

Төрт жылға созылған кес кілескен соғыстың жанына жара салмаған шаңырағы жоқ десе де болады. Біздің анамыз Төлеуқыз Таласбаева 1926 жылы Бақсай ауданы, Қазбек ауылында өмірге келген. Тоғызыншы сыныптан кейін бастауыш мектепке мұғалім болып орналасады. Сол кезден бастап ол ұстаздық қызметке біржола ден қояды. Әкеміз Нысанғали Құрақовпен бас қосып, өмірге онға тарта ұл-қыз әкеледі. Олардың бәріне жоғары білім алып беріп, бір-бір отау етеді. Қазіргі күні әкеміз өмірден өтсе де, ұрпақ қызығын асыл анамыз көруде. Ақжаулықты ананы айтулы мерекелерде оннан астам немере-жиені, жиырмадан астам шөбере-жиеншары құттықтап барады.

Читать далее »

КӨҢІЛ КӨҢІЛДЕН СУ ІШЕДІ

Бұл өмірде адамға ең керегі көңіл деп білемін. Себебі, жасы ұлғайған жан ешкімнен бағалы нәрсе, болмаса дастарханына тамақ сұрамайды. Осы жасқа келгенше талай басшының алдында, талай беделді мекемеде болып келеміз. Шынында, олардың келген кісіні қабылдауы, сөйлесуі әртүрлі. Бірі қолындағы билігіне сүйеніп, немқұрайылық танытса, бірі ұзақ жыл жүздеспеген ата-әжесін көргендей алдыңда құрақ ұшады.

Читать далее »

АСФАЛЬТ ЖОЛ ТӨСЕЛЕТІН БОЛДЫ

Қазір қала маңындағы шағын ауылдарда да тұрғын үйлер көбейді. Сондай тұрғын мекенінің бірі - «Балауса». Жасыратыны жоқ, жауын-шашын түскенде, сонда тұратын тұрғындардың жолдан қиындық көретіні бар. Бұл мәселені біз талай  рет Еркінқала ауылдық округі мен қала әкімдеріне, тіпті облыс әкіміне де айтып, асфальт жол төселуін сұраған едік. Жуырда осы өтінішімізге орай тұрғындар жиыны өтіп, онда облысымыздың бірінші басшысы Бақтықожа Ізмұхамбетовтың аталған ауданға инженерлік-инфрақұрылымдарды жүргізу бойынша құзырлы органдарға тапсырма берілгені жайында айтылды.

Читать далее »

МЕҢДЕКЕШ АҚЫННАН ҚАЛҒАН ІЗ

Меңдекеш Сатыбалдиев – поэзия көгінде құйрықты жұлдыздай ағып өткен тұлғалардың бірі. «Ортаңда болып азырақ, Көңіліңде қалсам көбірек» деп жырлаған талант отыз алты жыл ғұмыр кешсе де,  артына мол әдеби мұрасын қалдырды. Ақын, прозашы, журналист Меңдекеш Сатыбалдиевтың «Шулайды толқын», «Жартастағы жазулар», «Мөлдір аспан», «Ауылдағы академия», «Қызғыш құс», «Қоңыр қозы» деген  кітаптары – оқырманына шуақ сыйлайтын шұрайлы дүниелер. Ақынның ұлы Расул Сатыбалдиев – есімі елге таныс сәулетшілердің бірі. Еліміздің түкпір-түкпірінде тарихи тұлғаларға қойылған ескерткіштерде оның қолтаңбасы бар. Жақында Алматыда, Меңдекеш аға шаңырағында болып, ақын жұбайы Рузия апамыздың қаймақ қатқан күрең шайынан дәм тата отырып, ұлы Расулмен сұхбат құрған едім.

Читать далее »

ЖЫР АРҚАУЫ – «МӘҢГІЛІК ЕЛ»

Атырауда  аймақтық  ақындар  айтысы  жоғары  деңгейде  өтті

Атырау  өңірі тағы да бір әсерлі жыр кешінің куәсі болды. Құрманғазы атындағы мәдениет сарайында өткен «Мінәжатымыз – Мәңгілік Ел» тақырыбындағы айтыста Қазақ хандығының 550 жылдығы, Қазақстан халқы Ассамблеясының  20 жылдығы және дін мен дәстүр мәселелері ақындар жырына арқау болды. Дін істері басқармасының «Ақпараттық талдау орталығы» коммуналдық мемлекеттік мекемесі мен Қазақстан Жазушылар Одағы облыстық филиалының ұйымдастыруымен  өткен аймақтық жыр додасына Атырау, Батыс Қазақстан, Ақтөбе және Маңғыстау облыстарынан жиналған от ауызды, орақ тілді жиырма бес ақын қатысып, бақ сынады. 

Читать далее »

Митрополит Томаш, Католик шіркеуінің архиеспикопы (Астана): «БАТЫС ПЕН ШЫҒЫСТЫ ЖАҚЫНДАТУ ТЕТІГІ»

Қазақстанда осымен бесінші мәрте ұйымдастырылып отырған съезд көтерілген мәселелер ауқымы, деңгейі жағынан жыл санап кеңейгенін көрсетті. Және де кезекті құрылтай барлық дәстүрлі діндер, конфессия өкілдерінің бұл съезді дінаралық диалогты қалыптастыруда, Батыс пен Шығысты жақындастыруда маңызды қадам деп санайтындарын дәлелдеді. Бастапқыда съезге күмәнмен қарағандар болды. Уақыт мұның түрлі дін өкілдерін бір жерге жинақтау жиналысы емес, керісінше, әлемде орын алып жатқан түрлі ...

Читать далее »

Дмитрий Байдек, Орыс православиелік шіркеуінің протоиерейі (Астана): «ИМАНДЫЛЫҚҚА БАСТАЙТЫН ҚАДАМ»

Біз дүние жүзінің түкпір-түкпірінен жиналған түрлі дін өкілдері әлемде бейбітшілік орнату жолдарын талқылап отырмыз. Ендігі мәселе дін лидерлері көтерген проблемалардың, олар айтқан ұсыныс-пікірлердің әлем халқына қаншалықты бұрмалаусыз жетуінде болып тұр. Атап өтерлігі, бұл – бейбітшілік орнатуды мақсат етіп жүрген елдер, адамдар үшін өте маңызды жиын. 

Читать далее »

Кеңшілік Тышхан, Л.Н. Гумилев атындағы Еуразия ұлттық университетінің доценті, философия ғылымдарының кандидаты, дінтанушы: «ОРТАҚ ҮН ҚАТЫСУҒА ЖОЛ АШТЫ»

Әр дін өкілі өзінің өмір сүріп отырған территориясының белді тұлғасы, көсемі болып табылады. Демек, дін өкілдерінің белгілі бір тақырыпта баяндама жасап, ортақ мүддеге тоғысуының өзін үлкен бір нәтиже деп санауға болады.

Читать далее »