Руханият

ОЗА ШАУЫП ОРТАДАН…

Жақында өзін-өзі тану пәнінен облыстық олимпиаданың І кезеңі өтті. Облыс бойынша 30 оқушы қатысқан бұл додада облыстық дарынды балаларға арналған ұлттық гимназияның оқушылары Асыл Нұржанқызы мен Ханзада Андрейқызы да бар. Асыл бірінші жүлделі орынды иеленсе, Ханзада Алғыс хатпен марапатталды.

Читать далее »

КАСПИЙ ТАҒДЫРЫ – ӘЛЕМ ТАҒДЫРЫ

бұл  жаңа  кітаптан  да  көрініс  тапқан

Белгілі мемлекет және қоғам қайраткері Равиль Шырдабаевтың бұған дейін Қазақ «қара алтынының» терең тарихынан сыр шерткен «Мұнай: кеше, бүгін, ертең» және «Қазақстан мұнайы» атты қос кітабы жарық көрген-ді. Енді, міне, оқырман қолына «Каспий» атты жаңа еңбегі тиді. Оның тұсаукесері өзі тұңғыш директоры болған «Теңізшевройл» бірлескен кәсіпорнында өтті.

Читать далее »

ҚОЙДЫҢ ҚҰРМАНҒАЗЫЛЫҚ ТҮРІ

ол – ұзақ жылғы ғылыми еңбектің жемісі

Бүгінде елімізде өсірілетін қой малының шамамен 80 пайызын құйрықты қойлар құрайды. Әсіресе, еділбай қойының үлесі жоғары. Еділбай – барлық қылшық жүнді құйрықты қойлардың сапасын жақсартатын  тұқым.

Сонау 90-шы жылдардың соңына таман мыңғырған төрт түлік малы мен қуатты материалдық-техникалық базасы қалыптасқан шаруашылықтар тарап, барлық мүліктері жеке адамдардың қолына көшкен мемлекеттік мүлікті мемлекет иелігінен алу мен жекешелендіру заманының қиындығын Құрманғазы ауданындағы Құрманғазы атындағы кеңшар ұжымы да айқын сезінді. Бұл шаруашылықты ұзақ жылдар басқарған ауыл шаруашылығы саласының майталман маманы, шебер ұйымдастырушы Харес Биляшевтың табандылығымен кеңшар үш мыңдай қой мен санаулы ғана жылқы және түйе малдарымен «Құрманғазы атындағы өндірістік кооператив» болып құрыл-ған болатын.

Читать далее »

ҚЫСТАҚТАҒЫ ҚАРБАЛАС ШАҚ

Ежелден атакәсіппен айналысып келе жатқан Исатай ауданында 2015-2016 жылдың мал қыстағына тыңғылықты әзірлік жасалғандығы байқалады. Мәселен, жеке секторда 49745, шаруа қожалықтарында 21476 тонна пішен азығы дайындалған. Сөйтіп, жоспарлы меже 105 пайызға асыра орындалған. Сонымен қатар, 527-800 тонна шамасында құрама жем бар.

Читать далее »

АҚТӨБЕ-АСТРАХАН ТАС ЖОЛЫ

бұл бағытта биыл көп жұмыс атқарылады 

Жол апаты жиілеп кетті

Біз Құрманғазы ауданының алыс түкпірінде, «Жасталап» ауылында тұрамыз. Ауылда орталау Шоқан Уәлиханов атындағы мектеп бар еді. Қазіргі таңда оның да жағдайы күмәнді болып отыр. Алайда, бүгін қолыма қалам алуымның себебі – жолдың жағдайы. Атырау- Ганюшкино-Котяевка жолының жағдайы көзге жас аларлықтай. Жолдағы терең қазаншұқырлар, ойылып қалған жерлер көліктің зақымдануына әкеледі. Оны жөндеуге де аз ақша кетпейді. Сондықтан, жүргізушілер жаңағы ойық жерлерден қашып, қарсы жолға түседі. Сөйткенше болмай, алдынан машина келіп қалғанда, тоқтата алмай, қаншама жол-көлік апаты орын алып жатыр?! Осыған бір көмек болар ма екен, жол қашан жөнделер екен? Біз - қариялар, балаларымызды уайымдаймыз. Жолға шығып, облыс орталығына кеткенде қашан аман көріскенше көз іле алмаймыз. Жұртшылықтың сүйіп оқитын «Атырау» газетіне осының бүге-шігесін анықтар деген үмітпен хат жолдап отырмыз.

Читать далее »

ЖЕМ ЖАҒАСЫНДАҒЫ АУЫЛ

шаруасын дөңгелентіп отыр

Ежелден төрт түлік малға өріс болып, елдің тынысы мен ырысына айналған Жем ауылдық округі 3606 халқы бар үлкен елді мекенге айналып отыр. Мұнда 61 шаруа қожалығы, жеке иелікті қоса алғанда 3642 мүйізді ірі қара, 998 жылқы, 450 түйе, 8948 қой-ешкі тіркелген. Шаруашылықтар қыс қамында 1463 тонна мал азығын дайындап үлгерді.

Читать далее »

АЛАШ АРЫСТАРЫ АҢСАҒАН АЗАТТЫҚ

Tәуелсіздік мәселесін  зерделеуде  Алаш  қайраткерлерінің  тарихи тәжірибесі  ерекше  мәнді.  XX ғасырдың бас кезінде, отарлық және феодалдық езгінің қыспағына түскен қазақ халқын ауыр қоғамдық дағдарыстан шығарып, басқа елдермен бірге өзіне лайық жол табу міндеті тұрды. Оны жүзеге асыруды ғасыр басындағы дербес әлеуметтік-саяси күш - ұлттық интеллигенцияның бастапқы буыны өз мойнына алды.

Читать далее »

КӨК ТУДЫҢ ЖЕЛБІРЕГЕНІ!..

Бүгінде Сарыарқа төріне сән берген Астана қаласында тұрып жатсам да, туған жерім Атырау маған өте ыстық. Үнемі сағынып келемін. Менің таэквондо спортымен айналыса бастауыма да осы өлкем үлкен септігін тигізді.

Читать далее »