Қоғам

«АДАМНЫҢ БІР ҚЫЗЫҒЫ БАЛА ДЕГЕН…»

Өңіріміздің бас басылымы – «Атырау» газетінің өткен бір сандарында Ағиба Қатешованың осы тақырыптағы жазбасы жарық көрді.
Автор баян қылып отырған тақырып ешқашан күн тәртібінен түспек емес. Себебі, бала – біздің болашағымыз. Оны жарық дүниеге әкелу үшін анасының дені сау болуы, қоршаған ортаның ластануы сынды бірнеше факторлармен қатар, соңғы кезде бұл бағытта жиі қолданылатын ЭКО, суррогат ана сынды жайттарды да сөз қылады.

Читать далее »

ТЕЛЕДИДАРДА – ТӨЛ КИНОМЫЗ

Соңғы кезде теледидар бетін жаулап алған түрік пен кәріс сериалдарын телеарналарда көрсетуге тыйым салынғаны жақсы болды. Не тілі, не тәрбиесі ортақ емес солардан бізге келер пайда шамалы еді.

Читать далее »

ҰЛТ КӨШБАСШЫСЫ ЖӘНЕ ТІЛ БОЛАШАҒЫ

«Қазақ тілін білу азаматтық парызды ғана емес,
ұлтқа деген құрметті де білдіреді»
Нұрсұлтан НАЗАРБАЕВ.

Ана тіліміз бізді ғасырдан ғасырға, заманнан заманға аман жеткізген арымыз да, нарымыз да, бізге ана тілімізден асқан тарихи мұра жоқ. Атақты Мұхтар Әуезовтің «Тас үгітіліп құмға айналады, темір тозады, ұрпақ озады, дүниеде өлмейтін сөз ғана, халқымызбен бірге жасасып келе жатқан мұра сөзімізді арзандатып алмайық» деуі өте орынды.

Читать далее »

ЕСТЕН КЕТПЕС ЕРЕК КҮН

...Менің есімнен осыдан 20 жыл бұрын – сонау 1993 жылы Нұрсұлтан Әбішұлының Құрманғазы ауданына алғаш келгені әсте шықпайды. Сол сапарында Елбасы «Мақаш» өндірістік кооперативінде мейман болған. Арнайы киіз үй тігіп, Мемлекет басшысына қонақасы бергенбіз. Мұндай бақыт екінің бірінің басына қона бермес.

Рас, егемендіктің бастапқы белестері ғой, ауыл аса күйлі де емес еді. Елбасының жанында облыстың сол кездегі әкімі Сағат Түгелбаев, көршілес Астрахан облысының губернаторы, марқұм Анатолий Гужбин және басқа да лауазымды адамдар болды. Емен-жарқын әңгіме үстінде Нұрсұлтан Әбішұлы:

- Біз той жасаймыз. Сол тойымызды кейде аста-төк рәсуаға айналдырып жібереміз. Осы жайды зерттеңіздер. Тойдың мәні болуы керек. Елге, халыққа тағылымды тәрбиесі қажет, - деп қадап айтты.

Читать далее »

ТӘРБИЕ НЕГІЗІ – ОТБАСЫНДА

Құлсары қаласында №7 орта мектепте теологтардың қатысуымен «Ислам және отбасы» тақырыбында конференция өтті.
Конференцияны аудан әкімінің орынбасары Нұрадин Өмірбаев кіріспе сөзбен ашып, жүргізіп отырды. Алматы ислам университетінің түлегі, алғашқы қадамын он тоғыз жасында Жылыой аудандық мешітінің бас имамы болудан бастап, кейін Атырау облыстық «Иманғали» мешітінің бас имамы лауазымдық дәрежесін абыройлы атқарған Амантай Сәдиев басқа қызметке тағайындалуына байланысты әлгінде ғана аудан әкімінің қабылдауында болып, қошемет-құрмет көріп еді, енді, міне, көпшілік қауыммен де жүздесуге келді.
Ақмешіттен келген имам Ислам Мырзабекұлы имандылық, ұлттық тәрбие төңірегінде толғақты ойларын ортаға салды.

Читать далее »

ДІН ЭКСТРЕМИЗМ ЕМЕС

Біз дінді неге экстремизммен байланыстырып жүрміз? Хақ исламның шынайы бейнесін неге ұғындыра алмай отырмыз? Селолық округ әкімдері мен ақпараттық насихат топтары үшін өткен семинар барысында осы мәселе талқыланды.
Шарада облыстық Дін істері басқармасы жанындағы Ақпараттық талдау орталығының маманы Амангелді Оразов пен «Шапағат» діни деструктивті ағымдардан жапа шеккендерге көмек көрсету орталығы директорының орынбасары Ашабай Медетов дәріс оқыды.
«Ақпараттық талдау орталығының да басты мақсаты – зардап шеккендерге көмек көрсету» деген Амангелді Оразов теолог мамандардың жат ағымның жетегінде кеткендермен бүгінде жұмыс жүргізіп жатқандығын айтты.

Читать далее »

ЛЕПЕСТІҢ ЕҢБЕГІ КӨП ЕЛГЕ СІҢІРГЕН

Жақында облыстық «Атырау» басылымынан кезінде Индер ауданындағы денсаулық сақтау саласын ұзақ жылдар бойы басқарған Марданов Лепес деген азамат туралы дәрігер Ғазиз Есқалиевтың мақаласын оқып, ерекше риза болдым.
Жасымыз біразға келіп қалса да, оның үстіне көзіміздің көруі нашарласа да, жаңалықтың жаршысы болып табылатын газет-журналдарды оқудан әлі жаңылғанымыз жоқ. Одан елімізде, облыс көлемінде, ауданда болып жатқан бар жаңалықты, оқып біліп риза болып отырамыз. Әрине, елімізде орын алып жатқан жақсылықтар аз емес. Осындай жақсылықтардың негізін қалап кеткен аға ұрпақтың да еңбегін ешқашан ұмытпаған абзал. Оны бүгінгі ұрпақ жақсы біледі деген ойдамын.

Читать далее »

МАҢДАЙ ТЕРДІҢ ЖЕМІСІ

Соңғы кездері барлық елді мекендерде арзан азық-түлік жәрмеңкесін өткізу дәстүрге айналды. Оларда ақшаңқан киіз үйлер тігіліп, ауыл шаруашылығы саласының үздіктері мен ардагерлерінің емен-жарқын пікірлесулеріне де жағдай жасалады.
Индерборлықтар болса сенбі сайын ұйымдастырылып жүрген жәрмеңкеге әбден бой үйреткені соншалық, әуелі тез өтіп кететін сүттен жасалатын өнімдердің саудасын қыздырып жіберді. Арзан етті де алушылар қатары аз болмады. Сонымен қоса Өрлік округінен келген «Ертөстік» шаруа қожалығының басшысы Жеңіс Қажиев 20-ға жуық ұсақ мал әкелген екен. Оның әр басын 16 мың теңгеден ұсынғандықтан, аз уақыттың ішінде ол да біраз табысқа кенеліп қалды.

Читать далее »

ҚЫЗДАР ҚАШАН ДА БАУЫРМАЛ

Бүгінде мен зейнет жасындағы адаммын. Үлкейе келе әр нәрсені ойлап, өзіңше тұжырым жасайтындайсың. Менің айтайын дегенім - қыз бала жайы.

Рас, қазақ болған соң ба, біздің көбіміз дүниеге келер сәбиіміздің ұл болғанын қалаймыз. Тіпті «бәрі ұл болсын екен» деп те тілейміз. Қараңыз, сонда бізге шын жаны ашып, қинал- ғанда бәрін тастап, жанымыздан табылатын, әке-шеше десе ішкен асын жерге қоятын бауырмал қызды естен шығарып аламыз. Менің өзімді талай қиындықтан (көшедегі бұзақылардан, дарақылардан, т.б.) қыз балалар арашалап қалды. Ал, ұлдар болса, көрсе де, көрмеген болып жүре береді...

Читать далее »

ЖАН ӘКЕ, ШЕРТІП СЕЗІМ ДОМБЫРАСЫН…

«Қартың болса үйіңде, жазып қойған хатпен тең» дейді халық даналығы. Біз де – еңбек жолын мұғалімдіктен бастап, партия, кеңес, кәсіподақ ұйымдарында басшы қызметтер атқарған әкеміз Әнуарбек Зайдоллаұлының саясында өсіп-өнген ұрпағымыз. «Әке – балаға сыншы» дегендей, қай-қайсымызды еңбексүйгіштікке, адалдыққа, ізеттілікке тәрбиелеген оның тәлім-тағылымы ғұмырлық азығымыз болғанын айрықша сүйінішпен атап айтамыз.

Читать далее »