Қоғам

РАДИАЦИЯЛЫҚ ҚАУІПСІЗДІК – ҚАТАҢ БАҚЫЛАУДА

Облыстық Тұтынушылар құқықтарын қорғау департаментінің ұйымдастыруымен «Атырау» қонақ үйінің мәжіліс залында мұнай өнеркәсібі өндірістік нысандарының санитариялық-қорғаныш аймағын белгілеу бойынша санитарлық-эпидемиологиялық талаптар, сондай-ақ, емдеу мекемелерінде радиациялық қауіпсіздікті қамтамасыз етуге арналған семинар-кеңес өтті.

Читать далее »

ЖАРТЫ ҒАСЫРДАН КЕЙІНГІ ЖҮЗДЕСУ

Осыдан тура 50 жыл бұрын Атырау педагогикалық институтын бітірген түлектер бүгінде бас қосып, кездесу ұйымдастырды. Қаншама жылдар өтіп кеуделерін сағыныш кернеген курстастар кездесуде бір-бірлерін аса ыстық сезіммен құшақтады. Сондай-ақ, кезінде білім алған оқу орнының ғимаратына барып, алыста қалған сағым жылдарын еске алысты.

Читать далее »

«ЖАҢАРУ» – ЖЕМҚОРЛЫҚТЫҢ ЖАУЫ

Газетіміздің ілгергі сандарының бірінде айтылғанындай, елімізде сенатор Оралбай Әбдікәрімовтің бастамасымен «Жаңару» республикалық жемқорлыққа қарсы жалпыұлттық іс-әрекет қозғалысы» бірлестігі құрылды. Елбасының саяси сахнадағы сенімді серігі, тәуелсіздік туын бірге көтеріскен үзеңгілесі жетекшілік ететін құрылымның мақсаты – қоғамның қауіпті дертіне айналып, оны жегіқұрттай жеп жатқан жемқорлық кеселіне қарсы күреске жұртшылықты жұмылдыру. Жақында Астанада оның алғашқы отырысы өтті. Соған қатысып келген аталмыш қозғалыстың Атырау облыстық филиалының төрағасы, агротехникалық колледж директоры Болат Қожиев әріптестерімен дидарласты.

Читать далее »

БІЗГЕ КЕРЕГІ – БІЛІКТІ КАДР

Ел дамуында мемлекеттік қызметшілердің білігі мен білімінің жоғары болуының маңызы зор. Осы орайда облыс әкімі аппаратының Мемлекеттік қызметшілерді қайта даярлау, біліктілігін арттыру және тілдерді оқыту өңірлік орталығының ұйымдастыруымен «Мемлекеттік қызметшілерді оқыту жүйесін жетілдіру мәселелері» тақырыбында «дөңгелек үстел» өтті.

Читать далее »

ӘРБІР НӨМІР – ТҰНҒАН ӨМІР

Облыстық «Атырау» газетінің көшпелі редакциясы – Мақат ауданында
Мұнайлы аймақ айнасы – «Атырау» газетіне биылғы жылдың екінші жартысына жазылу жүріп жатыр. Осы уақытта газет тілшілерінің жылдағы үрдіс бойынша оқырмандармен жүздесіп, өз жұмыстарынан есеп беруі және алдағы межелерімен бөлісуі дәстүрге айналған. Осындай кездесу таяуда Мақат ауданында өтті.

Читать далее »

ОН БАЛАЛЫ ОТБАСЫ БІР БӨЛМЕДЕ ТҰРАДЫ

Қаланың «Авангард» ықшамауданындағы бір кездері «Геофизика» мекемесіне қараған жатақхананың бесінші қабатындағы бір бөлмесі. Кәдуілгі бөлме емес, қойма ретінде пайдаланылып, «бытовка» деген атауға ие болған бөлігі. Сол себепті, «500» деген нөмірлі пәтерді таба алмай, жүріңкіреп қалдым. Ал, қуыс-тесігінен жел азынап тұрған ағаш есікті көргенде... алғаш келген ой «мұнда да кісілер тұра ма?» болды. Тұрғанда қандай! Құрқылтайдың ұясындай бір бөлмеде ата-анасы және он баласы тамақ ішеді, сабаққа дайындалып, ұйқыға жатады. Оның алдындағы кіреберіс бір мезгілде асхана мен әжетхананың қызметін атқарады. Бейне құмырсқаның илеуі дерсің!

Читать далее »

ЖҮРЕКТІ СЫЗДАТҚАН «СОҚЫР АНА»

Ұлды ұлықты, қызды қылықты етіп тәрбиелеуде отбасындағы үлгі-өнеге мен тәлімді тәрбиенің орны ерекше. Осының айқын дәлелі ретінде ата-бабаларымыз «Әке көрген оқ жонар, ана көрген тон пішер», «Аяғын көріп асын іш, анасын көріп қызын ал» дейді. Олай болса, бүгінгі жас баланың болашақта жақсы адам, тәрбиелі азамат болып қалыптасуына оның отбасының, білім беретін мектебінің қосар үлесі ұшан-теңіз.

Читать далее »

ҚОҚЫС ІШІНДЕ… СӘБИ ЖАТЫР

КТК арнасы алматылық зейнеткердің қоқыстан қорапқа салынған жаңа туған  шарананы тауып алғанын жанұшыра хабарлады.

Қазақта «періштесі қорғады» деген сөз бар ғой, сол текке айтылмаған екен. Зейнеткер сәбиді тауып алған сәтте нәресте өлім аузында болған. Наурыздың 19-ы күні болған оқиға былай өрбіген екен: Кәмила Мұсабекова атты зейнеткер баланың жылаған дауысын кездейсоқ естіп қалған. «Жақындап келсек, қорап жатыр, баланың жылаған дауысы енді анық естілді. Қорапты ашсақ, ішінде жаңа туған сәби қан-қан болған күйі жатыр екен. Енді мен ол баланы ұлымның атына жаздырып, асырап алмақпын» дейді зейнеткер. Бірақ, өкініштісі сол, бейкүнә сәбиін туа сала қоқысқа лақтыра қашқан тасжүрек ананың табылған-табылмағаны туралы әлі күнге дейін бірде-бір ақпарат жоқ.

Читать далее »

МЕЙІРІМІМЕН ҮМІТ СЫЙЛАҒАН

Әдетте әрбір науқас адамға дәрігердің жылы сөзі қымбат. Өйткені, жылы сөз, тұнық мейірім – жанның емі. Дертіне дауа, деніне саулық іздеп, зор сеніммен келген науқасқа жылы сөзімен қуат беріп, мейірімімен үміт сыйлайтын абзал жандар бар. Қырық жыл бойы халық сеніміне селкеу түсірмеген, өз бақытын ұмытып, өзгенің бақытына ғұмырын арнаған абзал жанның бірі, талапшыл басшы – Талғат Аманғалиев. Ол – Атырау облыстық өкпе ауруларына қарсы күрес шипажайының бас дәрігері. Денсаулық сақтау саласының майталмандары мерекесі қарсаңында Талғат Ғалымжанұлы бастаған шипажай қызметкерлері жайында ерекше айтуды жөн санадық.

Читать далее »

БАЛАЛЫҚ СЕЗІМНІҢ БАЯНДЫ БАҚЫТЫ

...Есік қоңырауы шалынып, сыртқа шықсам, бір жігіт «Шақыру билетін» әкеліп тұр екен. Билеттегі жазуға үңіліп қарасам онда: «Құрмашев Талғат Жауынұлы, 60 жас» делініпті. Алғашында сенер-сенбесімді білмей, аңырып тұрып қалыппын. Содан билетті әкелген жігітке алғысымды айтып, үйге ендім. Үйге келген соң түбі терең ойға шомып, сонау жетпісінші жылдар көз алдыма елестеді...

Читать далее »